افغانستان مالیه/سالیق وزیرلیگی‌نینگ یوقاری مرتبه‌لی مسووللری، بروکسل ییغینی‌ده افغانستان اوچون دنیا جماعه‌چلیگی‌نینگ کورسته‌جک مالی یاردمی اوچ یریم میلیارد دالر نظرده توتیلگن ایدی؛ لیکن، بو مبلغ تورت میلیارد دالرگه کوتاریلیشی قرار آلینگن دیگنلر.
مملکت ملی مجلسی‌نینگ بوگون اوتکزگن فوق‌العاده ییغین‌ده سوزله‌گن مالیه وزیری اکلیل حکمی‌نینگ سوزلریگه کوره، بروکسل خلق ارا ییغینی اوچون حکومت لازم درجه‌ده تیارگرلیک کوریلگن. بروکسل ییغینی‌ده دنیا افغانستان حکومتی یاردملرینی جلب قیلیش‌گه کته امیدلر بار دیدی حکیمی.
نماینده‌لر مجلسی بوگون (یکشنبه) مالیه، تشقی ایشلر و مهاجرلر وزیرینی قاچقینلر مساله‌سی و حکومت‌نینگ بروکسل ییغینی‌ده قتنه‌شیشی اوچون نیمه تیارگرلیک آلگنی حقیده معلومات بیریشلری اوچون مجلس‌نینگ فوق‌العاده ییغینی‌گه جوابگرلیک‌که چقیرگن ایدی.
دنیا جماعه‌چلیگی افغانستان حکومتی اداری فسادگه قرشی کوره‌شیش و اصلاحات بولیملریگه جدی بولیشی اوچون ینه بیر بار تاکید قیلگن دییه منه بولرنی ایتگن: « اداری فسادگه قرشی کوره‌ش اوچون حکومت‌نینگ عمل‌ده قیلگن ایشلریدن بیری بوندن نیچه هفته آلدین فسادگه عاید ییریک دوسیه‌لرنی تیکشیریش اوچون عدلی وقضایی اداره آچیلگن ایدی»
حکومت بلند مرتبه‌لی رسمیلری نینگ بیرگن معلوماتی اساسیده بروکسل ییغینی‌گه جمهور رییس، اجراییه باشلیغی و مملکت نینگ بیرینچی عیالی داخل آلتی کیشیلیک هیات کیتیشی ریجه لنتیریلگن. ییغین‌نینگ جریانیده عیاللر قابلیتی آشیریلیشی، محلی همکارلیکلر و یره‌ش‌گه عاید باشقه اوچ ییغین اوتکزیلیشی کون ترتیب‌گه آلینگن.
بروکسل خلق ارا ییغینی اوتکزیلیشی اوچون سناقلی کونلر قالگن. ییغین اکتوبر آیی نینگ 4-5 کونی بیلجیم پایتختی بروکسل‌ده اوتکزیلیشی کوتیله‌دی. افغانستان حکومتی ییغین‌ده قتنه‌شه دیگن دنیا دولتلری مالی همکارلیگینی جلب قیلیشی کیره‌ک. اداری فسادنی یوق ایتیش و تورلی بولیملرگه اصلاحات کیریتیش دنیا دولتلری حمایتی‌نی کسب قیلیش اوچون افغانستان حکومتی نینگ اساسی یوتوقلریدن حسابلنه‌دی.
