 - Copy 1.jpg)
د افغانستان ژورنالیستانو د ملي ټولنې اجرایه رییس فهیم دشتي وايي، چې اوسمهال دولتي بنسټونه هم رسنیو ته د معلوماتو له ورکړې ډډه کوي او دا د بیان ازادۍ خلاف کړنه ده.
د نوموړي پر خبره نه یوازې دا، چې رسنیو ته معلومات نه ورکول کيږي، بلکې د معلوماتو پټول يې په یو اصل بدل شوی دی.
نوموړي د سه شنبې په ورځ کابل کې معلوماتو ته د لاسرسي مثلث په نوم غونډه کې زیاته کړه، چې اطلاعاتو د لاسرسي د قانون پربنسټ، هر دولتي اُرګان مکلف دی، چې د معلوماتو رسولو یو مرجع ولري، خو د ملي یوالي حکومت اوس هم په دې برخه کې جدي ګام نهدی پورته کړی.
ددې غونډې موخه له خبریالانو د ملاتړ بنسټونو، حکومت او معلومات ته دلاسرسي د څار کمیسیون ترمینځ دهمغږۍ زیاتوالی ښودل شوې ده.
دخبریالانو د فدراسیون استازی مجیب خلوتګر په یاده غونډه کې وویل، حکومت رسنیو ته د معلوماتو له ورکولو سر غړونه کوي.
د هغه پر خبره، اوس هم د ترهګریزو پېښو او فساد په اړه مهم معلومات له رسنیو سره نه شریکوي.
خو دولسمشر د ویاند مرستیال دواخان مینهپال وايي، چې معلوماتو ته د لاسرسي حق د قانون پربنسټ د ملي یوالي حکومت مکلف دي، چې له رسنیو سره معلومات شریک کړي.
مینهپال زیاته کړه، حکومت ژمن دی، چې د رسنیو او خبریالانو ستونزې حل کړي.
