سیلاو تیم‌لریدن بیرقطاری، بایومتریک‌لی آوازلرنی تازه‌لش خصوصیده، درمالوگ شرکتی تامانیدن گزارش بیریلیشی کیینگه قالگنی‌نی سوراقلی و خواطرلنترووچی عنوان قیلگنلر.
ییقین‌لیک و برقرارلیک و دولت قوروچی سیلاو تیم‌لری نینگ نظارتچی‌لری، درمالوگ شرکتی تامانیدن آوازلر تازه‌لنیشی خصوصیده گزارش بیریلمه‌گنیدن خواطر بیلدیرگن‌لر.
ییقین‌لیک و برقرارلیک سیلاو تیمی نظارتچی‌سی سمیع‌الله صمیم نینگ ایتیشیچه، کورینیشیچه سیلاو ایرکین کمیسیونی 23 عقرب‌ده سیلاو دستلبکی نتیجه‌سینی اعلان قیلیش‌گه موفق بولمه‌یدی.
دولت قوروچی سیلاو تیمی نظارتچی‌سی قادر هودخیل نینگ ایتیشیچه، سیلاو دستلبکی نتیجه‌سی اعلان ایتیلیشی‌نینگ آرتده قالیشی بو لایحه‌گه دخالت قیلینیشی‌گه سبب بوله‌دی. اونینگ ایتیشیچه، جمهورلیک ریاستی سیلاوی نینگ دستلبکی نتیجه‌سینی تیزلیک‌که اعلان ایتیلیشی کیره‌ک.
بیراق، سیلاو ایرکین کمیسیونی اعضاسی اورنگ زیب نینگ ایتیشیچه، بوگون "چهارشنبه" کیچ قورونگه‌قدر درمالوگ شرکتی نینگ معلوماتی اولر اختیاریگه قرار بیریله‌دی.
آلدین‌دن اعلان ایتیلگن برنامه‌لرگه کوره، درمالوگ شرکتی آوازلر تازه‌لنیشی خصوصیده بولگن تیکشیریش نتیجه‌سینی جاری هفته "شنبه" کونی سیلاو ایرکین کمیسیونی بیلن شریک قیلیشی کیره‌ک ایدی، بیراق اوشبو شرکت حاضرگه‌قدر کمیسیونگه گزارش بیرمه‌گن.
