مملکت باش‌قاره‌لاوچیلیگی بیر اعلامیه ترقه‌تیب ایتیشیچه، حج و اوقاف وزیرلیگی نینگ سابق معینی و سرپرستی و بلخ ولایتی کینگشی نینگ بیر اعضاسی ساخته‌کارلیک و اوز وظیفه‌لریدن سوءاستعمال قیلیش گه عیبله‌نیب، هر بیری 1 ییل و 6 آی حبس گه محکوم بولگن.
باش‌قاره‌لاوچیلیک نینگ اعلامیه‌سیده کیلیشیچه، حج و اوقاف وزیرلیگی نینگ سابق معینی و سرپرستی داعی‌الحق عابد و بلخ ولایتی کینگش اعضاسی و محمد آصف مهمند، قتیق اداری فساد جرم‌لریگه قرشی کوره‌ش عدلی و قضایی مرکزی نینگ استیناف محکمه‌سی آرقه‌لی جزالنیش گه محکوم بولگن.
باش‌قاره‌لاوچیلیک نینگ ایتیشیچه، مذکور ایکی کیشی ساخته ملکیت سندی نی استعمال قیلیش اوچون بیربیراولریگه همکارلیک قیلگن.
اعلامیه‌ده کیلیشیچه، قتیق اداری فساد جرم‌لریگه قرشی کوره‌ش عدلی و قضایی مرکزی نینگ دستلبکی محکمه‌سی قویاش 1396- ییل 20- جدی گه یولگه قوییلگن علنی بیر جلسه‌ده، بو ایکی کیشی نینگ 5 ییل و 2 آی تنفیذی حبس گه محکوم قیلگن ایدی.
