میدان وردک محلی مسووللری، بهسود ولسواللیگی حصه اول یشاوچیلری بیلن ینگیدن بو منطقهگه کیلگن کوچلر اورتهسیده قوراللی توقنشو یوز بیرگنلیگی بارهسیده خبر بیرگنلر.
اوز نامی فاش ایتیلیشینی ایستمهگن ولایت والیسیگه یقین بیر منبع نینگ سلامطوندارگه ایتیشیچه، قوراللی توقنشو عاقبتیده هنوزگچه ایکّی نفر هلاک ایتیلیب و ایکّی کیشی هم تن جراحتی آلگن. حادثه ده اولگن و یره دار بولگنلر محل نینگ یشاوچیلری ایکنی ایتیلهدی. هنوزگچه کوچیلرگه ییتگن تلفات توغریسیده انیق معلومات بیریلمهگن.
میدان وردک ولایت امنیه قوماندانی مل پاسوال خلیلالله اندرابی، یوز بیرگن قوراللی توقنشودهگی تلفات خصوصیده هلیگچه انیق معلومات قولده ایمس لیگینی بیلدیرگن. اونگه کوره، فاجعه یوز بیرمسلیگی اوچون محل گه ملی کوچلر سفر بر قیلینگن.
محل اهالیسی، توقنشو تامانلریدن اونلب کیشی آغیر و یینگیل قورال اسحله بیلن جهازلنگن لیکلرینی ایتهدیلر. اولر، حکومت مسالهگه بی فرق یاندهشگنده حالده، انسانی فاجعه روی بیریشی ممکن دیگنلر.
بهسود اهالیسی بیرینچی مرته کوچیلر بیلن توقنشمهگن. هر ییل بهار فصلی کیلیشی همده کوچیلر بو منطقهده ییرلهشیشی بیلن حصه اول و کوچلر اورتهسیده قوراللی توقنشولر روی بیریشیگه سبب بولهدی. ایریم حاللرده، تامانلر ارا یوزبیرگن توقنشوده نیچه کیشی حیاتدن کوز یومیشگن.
