.jpg)
پاکستانده افغانستاننینگ ایلچیسی حضرت عمر زاخیلوال، اخیرگی وقتلرده چیگره مسالهسدن سونگ رسمی کابل – اسلام آباد علاقهسی ترهنگ لهشیب بو مملکتده افغانستانلیک مهاجرلرگه نسبتن یامان یاندهشیلگنلیکه قرهمی؛ لیکن، پاکستان رسمیلری بیلن اوتکزیلگن ملاقات و اوچرهشوولردن کیین قاچقینلر مسالهسی حل بولدی دیگن.
سلاموطندارگه صحبت بیرگن جناب زاخیلوال، اخیرگی بیر آی ایچیده 7 مینگ افغانستانلیک مهاجر حبسگه آلینگن لیگینی رد قیلیب، اخیرگی بیر یریم ییل آقیمیده قانونی یشش اوچون حجتی بولمهگه قاچقینلر پاکستان حکومتی تامانیدن قولگه آلینگنلر دیگن.
بوندن آلدین نشر ایتیلگن گزارشلرده پاکستان تامانی او مملکتدهگی افغانستانلیک 7 مینگ مهاجرنی حبسگه آلگن لیگی معلوم قیلینگن ایدی.
شونینگدیک جناب زاخیلوال، سونگی بیر ییل جریانیده 13 مینگ افغانستانلیک قاچقین کونگیلی روشده مملکتگه قیتگنلیکلرینی تیلگه آلگن.
افغانستان قاچقینلر مسالهسی بوییچه وزیرلیک نینگ حساباتیگه کوره، کونده 1800 افغانستانلیک مهاجر وطنگه کیلهدی.
.jpg)
مملکت قاچقینلر مسالهسی بوییچه وزیرلیک نینگ مطبوعات مصلحتچیسی، اخیرگی وقتلرده مملکتگه مهاجرلرنی قیتیش میزانی آشگن دیگن. او، مملکتگه قیته دیگن قاچقینلر اوچون وزیرلیک بعضی بیر لایحهلرنی نظرده توتگن لیکنی ایتهدی.
جناب میاخیل نینگ سوزلریگه قرهگنده، اوشبو لایحه اساسیده قاچقینلرگه اقتصادی همکارلیک، یشش بنا و نقدی همکارلیک قیلیشدن عبارت دیگن. او، سابق وطن گه قیتگن هر بیر مهاجرگه 180 دن 200 دالر کومک بیریلردی، حاضر ایسه بو یاردم لر 400 دالرگه کوتاریلگن دیدی.
بیرلشگن ملتلر تشکیلاتی نینگ قاچقینلر مسالهسی کمیشنرلیک، مهاجرلر موضوعینی محاکمه قیلیش اوچون یقینده اوچ تامانلمه ییغن اوتکزیلیشیدن خبر بیرگن.
بو تشکیلاتنینگ سوزلاوچیسی نادر فرهاد، ییغین ایکی هفتهدن سونگ اسلام آبادده اوتکزیلهدی دیگن. ییغین افغانستان، پاکستان و بی می تی نینگ قاچقینلر مسالهسی بوییچه ادارهنینگ نمایندهسی اشتراک قیلهدی دیگن.
