چمهسی بیش آی آلدین (31 سرطان/بیشیم) ستره محکمه قرشیسیده امنیتی کوچلردن بیریگه اوق اوزگن «زینب» ناملی قیز، امنیتی کوچلردن عینی جوابنی آلیب حیاتیگه نقطه قویگن ایدی. رسانهلردن کوپیسی مذکور عیالنی «ترورچی و عصیانگر» دیب، ستره محکمه گه هجوم قیلیش نیتیده ایکن دیگن ایدیلر، لیکن قضیه عکسینچه چیقدی.
زینب نینگ عالمدن اوتیشی بیلن امنیتی کوچلر اونینگ قولیده «الله» و «الله اکبر» یازوولرینی کورگنلیگینی تاپهدیلر.
کییملریدن پاکستانگه سفر قیلیش و هجتلرینی تاپیشلری عصیانچی گروهلردن بیریگه تیگیشلی ایکنلیگی عینی شاهدلر شبه لرینی حقیقتگه یقین قیلدی.
کابل جنایی تدقیقات بولیمی باشلیغی فریدون عبیدی نینگ سلاموطندار بیلن قیلگن صحبتده، اوشبو عیالنی ترورچی ترماغلرگه باغلیق ایکنلیگینی رد قیلدی. اونینگ ایتیشیچه، زینب اوشه کون ایرتهسیده پاکستان کیتیشی لازم ایکن، اما ایریدن ناراض بولگنلیگی دلیل کیتیشدن وازکیچیش نیتیده اولیشگه بیل باغلهگن.
جناب عبیدی نینگ ایتیشیچه، زینب نینگ قولیدهگی قورال اکه سینیکی ایکن و او برقصد قولیگه ایریم عبارهلرنی یازگن تا امنیتی کوچلر شبه سیز اونگه اوق اوزیب اولیشیگه سبب بولسهلر.
باشکینت جنایی تدقیقات بولیم باشلیغی نینگ معلوماتیگه کوره، زینب نیچه مرته حیاتیگه نقطه قویش تصمیمنی آلگن، اما ناکام قالگنلیگی سبب «باشقهلر قولیده اولیش توشینچهسی بیلن» چیققن.
فریدون عبیدی نینگ کوپهیتیریشیچه، ستره محکمه ادارهسی هجوم خوفی بیلن روپهره بولیب آگاهلنتیریلگن ایدی. عبیدی نینگ اورغولهشیچه، مذکور نهاد قوریغماللریگه هرقندهی خطر آلدینی آلیش اوچون جدی بولیشلریگه تأکید قیلینگن ایکن؛ مذکور اداره قوریغماللری ایسه وقتنی قولدن بیرمسدن زینبنی نیچه تاماندن نشانگه آلیب اوق بیلن آتیب اولدیرهدیلر.
عدلی تیکشیروو بولیم اورین باسری داکتر دلآقا محبوبی هم سلاموطندارگه زینب نینگ قولیده عادی قلم بیلن یازیلگن عبارهلردن باشقه نرسه اونینگ جسدیدن تاپالمهگنلیکلرینی معلوم قیلگن.
محبوبی نینگ معلوم قیلیشیچه، اوشه کون آقشامیده زینب نینگ ایناغهسی شمسالرحمن جسدنی کیلیب تسلیم آلگن.
زینب نینگ ایناغهسی بیلن بوحقده صحبت قیلیش اوچون کوپلب حرکت قیلدیک، بیراق او پاکستان نینگ نا معلوم ییرده حیات کیچیریشی دلیل، تلاشلریمیز نتیجه سیز قالدی.
