انسان حق و حقوق‌لرینی کوزه‌تووچی تشکلات‌نینگ ینگی ترقتگن گزارشی‌ده، کوبانی شهرینی مدافعه قیلووچی کرد قوشین‌لری ینه بیر مرته اسلامی دولت گروهی (داعش) نی بو شهردن چیقاریش‌گه موفق بولگنی قید ایتیلگن.
گزارش‌ده، کوبانی شهری بوتون‌لی کرد قوشین‌لری قولی‌گه اوتگنی یازیلگن. ایتیلیشیچه، اوروش جریانی‌ده داعش‌نینگ کوپچی‌لیک آدم‌لر اولیب یره دار ایتیلگن.
اسلامی دولت گروهی جنگری‌لر پنجشنبه کونی کوبانی‌نی قیته‌دن آلیش اوچون آغیر اوروش نی باشله‌گن ایدی. مذکور اوروش دوامی‌ده شهرنینگ مدافعه قیلووچی همده اهالی‌دن 200 گه یقین انسان حیات‌دن کوز یومگن.
مذکور هجوم داعش‌گه قره‌شلی گروه تامانیدن رجه لنتیریلگن انتحاری هجوم عمل‌گه آشیریلشی بیلن باشلنگن ایدی. اوشبو هجوم‌ده کمیده 12 کیشی هلاک بولیب، 70 نفر تن جراحتی آلگن ایدی.
گزارش‌لرگه کوره، اسلامی دولت گرهی‌نینگ اعضالری سوریه شمالی‌ده نیچه مرته آلیب بارگن هجوم‌لرده شکست گه روپه ره بولگن بیر چاغده کوبانی‌گه هجوم قیلیش‌گه اولگورگن.
کرد فدایی‌لری سونگی هفته‌لرده داعش جنگری‌لرینی سوریه نینگ تل ابیض شهریده اولدیرگن ایدی.
سوریه دولت تلویزیونی، داعش گروهی مذکور هجوم‌نی ترکیه توپراغی آرقه‌لی عمل‌گه آشیرگن لیگینی ادعا قیلگن ایدی، اما بو ادعا ترکیه دولت رسمی‌لری تامانیدن کیسکین رد قیلینگن ایدی.
سوریه شمالی‌ده جایلشگن کوبانی شهری ترکیه چیگره‌سی‌ده کردلرنینگ داعش گه قرشی مقامت مرکزی سنله‌دی.
کرد فدایی‌لر میلادی جاری ییل جنوری آیی‌ده وقفه سیز تورت آی آلیب بارگن اوزلوکسیز اوروش‌دن سونگ امریکه نینگ هوا کوچلری همکارلیگی بیلن داعش گروهی جنگری‌لرینی مذکور شهردن چیقاریش‌گه موفق بولگن.
