_Copy1.jpg)
بو کیشی نیچه هفته آلدین، جوزجان ولایتی‌نینگ قوش‌تپه تومنی‌دن مذکور ولایت‌نینگ درزاب تومنی تامان قرینداشلری‌نینگ آلدیگه باره‌یاتگن بیرچاغده، داعش گروهی‌نینگ قومندانلریدن بیری قاری حکمت‌نینگ نفرلری تامانیدن قولگه آلینیب و ایکی هفته‌نی مذکور گروه‌نینگ قماقخانه‌سیده اوتکزه‌دی. داعش قوییب یوباریش بدلی‌گه 2 میلیون افغانی سوره‌گن ایکن.
اوشبو خدایداد ناملی کیشی داعش گروهی‌نینگ قماقخانه‌سیدن قاچیب و داعش قماقخانه‌سیده کورگن نرسه‌لرینی سلام‌وطندارگه حکایه قیله‌دی.
ایتیشیچه، یول‌ده درزاب تومنی باره‌یاتگن چاغیده، داعش گروهی تامانیدن موتردن توشیریلیب و قوللریگه اولچک اوریلیب قماقخانه‌گه آلیب کیتیلگن.
خدایدادنینگ ایتیشیچه، داعش گروهی‌نینگ ایکی قماقخانه‌سی بار و بو قماقخانه‌لردن بیری سوودن توله بولیب و او ییرده قولگه آلینگن‌لرنی قینه‌یدی ایکن.
.jpg)
اونینگ کوپه‌یتیریشیچه، داعش گروهی قماقده‌گی‌لرنی کلتک‌لب و بوینی‌لریگه قیلیچ قوییب اولیم‌گه تهدید قیله‌دی. خدایدادنینگ ایتیشیچه، «قماقچی‌لر ایکی مرته بوینیم‌گه قیلیچ قویدی و بوینیم‌نی کیسیش‌لرینی ایتدی و او ییرده قوریگن بیر باش هم بار ایدی».
اونینگ ایتیشیچه، ایکی هفته اوتگنی‌دن کیین، بیر کیچه قماقچی اویقولب قاله‌دی و قماقچی‌نینگ قورالی‌نی آلیب قماقدن قاچه‌دی و اوزی‌نی امنیتی کوچلرنینگ پوسته‌سیگه ییتکیزه‌دی.
خدایدادنینگ ایتیشیچه، کمیده اوچ هفته آلدین داعش گروهی تامانیدن آلیب کیتیلگن قیزیل هاج‌نینگ ایکی خادمی هم اوشه قماقخانه‌ده بولگن‌لر.
اوشبو کیشی‌نینگ داعش قماقخانه‌سیدن قاچگنینی تصدیق‌لگن جوزجان پولیس قومندانی رحمت‌الله ترکستانی‌نینگ سلام‌وطندارگه ایتیشیچه، داعش قماقخانه‌سی قوش‌تپه تومنی‌نینگ چقمه‌چقور منطقه‌سی «اوبر» قیشلاغی‌ده جایلشگن.
شونده‌ی بیرحالده، 20- دلو داعش گروهی قوش‌تپه تومنی‌نینگ ترکمن قودوق منطقه‌سینی غربی‌ده قیزیل هاج‌نینگ 6 خادمی‌نی آتیب اولدیردی و باشقه 2 خادمی‌نینگ اوزلری بیلن آلیب کیتگن ایدی.
