داعش وسله والې ډلې د غور ولایت له دولتیار ولسوالۍ ۶ تنه بزګران تښتولي او د مرغاب په نوم سیمې ته یې وړي دي.
د غور ولایتي شورا غړی حمیدالله متحد د پېښې په تاييد سلام وطندار ته وویل، تښتول شوي کسان د دولتيار ولسوالۍ د "لکه مزار" سیمې اوسېدونکي دي.
حمیدالله متحد وايي، تښتول شوي ټول بزګران دي او د پېښې انګېزه معلومه نه ده.
د غور ولایت د امنیې قوماندانۍ د امنیت امر ضیاالدین ثاقب د داعش له خوا د ۶ تنو بزګرانو تښتول تاییدوي.
ثاقب وايي، تراوسه پورې د پېښې په اړه نور جزیات نه لري؛ خو پولیسو د تښتول شویو کسانو د خلاصون په موخه هڅې پیل کړي دي.
د ریپوټونو له مخې، شاوخوا یوه میاشت مخکې بې پیلوټه الوتکې په غور ولایت کې د داعش ډلې یو پټن ځای په نښه کړ، چې څو تنه په کې ووژل شول او ټپیان شول. له دې سره، سره بیا هم په غور کې داعش ډله د خلکو په منځ کې راښکاره کېږي او جنایت کوي.
