هلمند ولایتی کینگش مسووللری‌نینگ بو ولایت شمالی تومن‌لریده داعش گروهی فعالیتیدن خبر بیریب ایتیشیچه، بو گروه فعالیتی‌گه توسیق بولیش اوچون سعی و حرکت قیلیش کیره‌ک. موساقلعه، نوزاد، واشیر، باغران و نومیشت هلمند ولایتی نینگ شمالیده جای‌لشگن تومن‌لر جمله‌سیدن دیر.
هلمند ولایتی کینگش باشلیغی عطاالله افغان نینگ ایتیشیچه، مذکور تومن‌لرنینگ یشاوچی‌لری داعش گروهی فعالیتیدن خبر بیرگن‌لر.
هلمند ولایتی کینگش اعضالری، امنیتی اداره‌لردن داعش گروهی فعالیتی‌گه توسیق بولیش اوچون سعی و حرکت قیلیش‌لرینی سوره‌گنلر.
بیراق، هلمند حاکمی محمدیاسین خان، بو ولایت داعش گروهی فعالیتی خصوصیده ولایتی کینگش ادعاسینی رد قیله‌دی.
اونینگ ایتیشیچه، امنیتی نهادلرنینگ استخباراتی بولیمی هلمند ولایتیده داعش گروهی نینگ فعالیتی خصوصیده معلومات قولگه کیرتمه‌گن. اونینگ کوپه‌یتیریشیچه، داعش گروهی بو ولایتده نفوس قیلگن صورتده، امنیتی کوچلر تامانیدن نابود ایتیله‌دی.
هلمند ولایتی نینگ شمالی تومن‌لری جمله‌دن سنگین، موساقلعه، نوزاد، واشیر، باغران و نومیشت تومن‌لری نینگ کوپ قطار بولیم‌لری طالبان نظارتی‌گه دیر و طالبان گروهی هر مرته داعش گروهی فعالیتی نی رد قیلگن.
هلمند شمالی تومن‌لریده داعش گروهی فعالیتی باشلنگنی خصوصیده نیچه ییل آلدین هم گزارشلر ترقه‌تیلگن ایدی، بیراق بو ولایت بوییچه داعش گروهی باشلیغی ملاعبدالرووف خادم نیچه ییل آلدین هوایی هجوم آرقه‌لی هلاک ایتیلگن ایدی.
