غور ولایتی نینگ مرکزی فیرزو کوه 40کیلومترلیگی نینگ غلمین منطقه‌سیده داعش چمه‌سی 30 کیشی تینچ اهالینی اوققه تارتگن. اولدیریلگنلر ایچیده باله‌لر هم بولگن. ایکی کون آلدین بوکیشی‌لر «تیزه‌ی» تیرگنی چیققن پیتده داعش اعضالری تامانیدن اوغیرلنگنلر.
اوتگن کون مذکور گروه قوی اوغیرله‌گنی منطقه‌گه هجوم قیله‌دی، بیراق امنیتی کوچلر مقاومتی گه روپه‌ره بولیب، غلام فاروق ناملی قومندانلری یوز بیرگن اوروشده اولدیریلگندن کیین اوشبو گروه اوچ (انتقام) آلیش نیتده حبس‌گه آلینگن تینچ اهالینی اولدیرگن.
غور والیسی نینگ سوزلاوچیسی عبدالحی خطیبی حادثه‌نی تصدیق لب ایتیشیچه، بو 30 کیشینی غلام فاروق نینگ نفرلری قومندانلری اوچینی آلیش اوچون آتیب اولدیرگن.
جناب خطیبی‌گه کوره، امنیتی کوچلر حادثه عامللرینی قولگه آلیش اوچون تیرگاو باشله‌گنلر.
غور ولایتی کینگش باشلیغی فضل الحق احسان نینگ ایتیشیچه، دستلب داعش گروهی 23 کیشی حیاتیگه نقطه قویگن و نیچه ساعتدن سونگ ایسه قالگن 7 کیشینی هم آتیب تشله‌گن.
اولدیریلگنلر جسدی غور مرکزی فیروزکوه شهریگه کیلیتیریشی کوتیله‌دی.
