غزنی ولایتی نینگ محلی خوفسیزلیک رسمیلری همده ولایت کینگشی نماینده‌لری، داعش توده‌سی ولایت نینگ خاک‌افغان و ارغنداب تومنلری ینه غزنی ولایتی نینگ ناوه تومنیده فعالیت‌گه باشله‌گن لیگی باره‌سیده خبر بیرگنلر.
رسمیلر، بیر ییلدن بیری داعش توده‌سی زابل و غزنی ولایتلریده مالی امکانیتلر، طالبلرنینگ ایچکی قیینچلیکلری و افغانستان دولتی نینگ جیم تورگن لیگیدن فایده له‌نیب ایریم منطقه‌لرنی قولگه کیریتگنلر دیدیلر.
غزنی ولایتی نینگ ولایت کینگشی اعضاسی خالقداد اکبری نینگ سلام‌وطندارگه ایتیشیچه، کته قسمی اوزبیکستانلیک بولگن داعش حرکتی نینگ اعضالری زابل ولایتی نینگ نا برقرار تومنلریده خانه‌دانلری بیلن جایلشگن.
خبرنی تصدیق ایتگن غزنی امنیه قوماندانی امین الله امرخیل، داعش حرکتی زابل ولایتی نینگ بعضی تومنلریده حربی مرکزلر تاسیس قیلگن دیدی. او، ملی کوچلر اوشبو جنگریلرنی نابود قیلیش قابلیتی‌گه ایگه ایکنلیکلری باره‌سیده ایشانچ بیرگن.
اما، غزنی ولایتی نینگ ولایت کینگشی اعضاسی فاطمه رحیمی، داعش جنگریلری مقابلی‌ده افغان ملی کوچلری نینگ آلیب باره دیگن فعالیتلرینی تنقید آستیگه آلیب، ولایت‌نینگ ناده تومنی نیچه ییلدن بیری ترورچی گروهلرنینگ خوفسیزلیگی تامین بولگن مرکزیگه ایلنگن دیگن.
زابل ولایتی نینگ نماینده‌لر مجلسیده‌گی اعضاسی حمیدالله توخی، طالبلر و داعش حرکتی غزنی ولایتیده اتفاق توزگنلرلرینی ایتگن. بو جنگری گروه‌لر جاری ییلده نیچه مرته قوشمه عملیات اوتکزگنلر دیدی ولایت‌نینگ پارلمانده‌گی وکلی. جناب توخی، ولایت نینگ ارغنداب و خاک‌افغان تومنلری 8 ییلدن بیری جنگری گروه‌لر اشغالیده، انه شو باعث هم بو تومنلر طالبلر همده داعش اوچون بیر مرکزگه ایلنگن دیگن.
