بوگون «دوشنبه» وزیرلر کینگشیده نطق سوزلهگن حکومت اجراییه باشلیغی عبدالله عبدالله نینگ ایتیشیچه، ارزگان ولایتینینگ ارزگانخاص تومنیده یوز بیرگن اوروش قومی ایمس دیر. جناب عبدالله نینگ بو بیاناتیدن آلدین، جمهورلیک ریاستی ارزگانخاص تومنیده یوز بیرگن اوروشنی «قومی» دیگن ایدی.
اجراییه باشلیغینینگ ایتیشیچه، مرکرزی ولایتلر اینیقسه ارزگانخاص تومنینینگ اهالیسی، مذکور تومنده یوز بیرگن اوروش آلدی آلینیشی اوچون حکومت تیزلیککه عمل قیلمهگنی و شونینگدیک، بو توغریده حکومت قراری قندهیلیگیدن شکایت قیلگن.
اجراییه باشلیغینینگ اورغولشیچه، ارزگانخاص اوروشی نتیجهسیده بدرغه بولگنلرگه یاردم بیریش حکومتنینگ بیرینچی ایشی دیر و بوندهی واقعهلر تکرارلنیشیگه توسیق بولیش برچهمیزنینگ مسؤولیتمیز دیر.
ارزگانخاص تومنیده یوز بیرگن بیرگن اوروش موضوعی، بوگون نمایندهلر کینگشینینگ عمومی ییغینیده قیزیق بحثگه اوزگرگن ایدی و نمایندهلر کینگشی اعضالری، بو اوروش حکومت تامانیدن قومی اتلگنی و تدبیر آلینمهگنیدن تنقید قیلگنلر.
نمایندهلر کینگشی اعضالرینینگ ایتیشیچه، وضعیت حکومت نظارتیده بولیشی اوچون تیزلیککه ارزگان ولایتی گه امنیتی کوچ یوباریلیب و بو واقعه تیکشیریلیشی اوچون هیأت تعیین ایتیلیشی لازم.
نمایندهلر کینگشی باشلیغی عبدالرؤوف ابراهیمی ارزگانخاصنینگ اون کونلیک اوروشی نی فاجعه دیب ایتیشیچه، حکومت تیزلیکده فاجعه و تینچفقرالرنی هلاک ایتیلیشی نی آلدینی آلیشگه مجبور دیر و حادثه نی تیکشیریش اوچون بیر هیأت یوباریشی کیرهک.
ابراهیمی جنابلری، رویداد تیکشیریلگنیدن سونگ اصلی مجرملر تانیلیب و جزالنیشی نی اورغولهیدی.
نمایندهلر کینگشی اعضالرینینگ ایتیشیچه، طالبان گروهی ارزگانخاص اوروشیده حربیلر و تینچفقرالرنی اولدیریب و محل یشاوچیلریدن کوپینچهسینی بدرغه قیلگنلر.
عین حالده، آتیشمهلر محلیده حضورتاپگن غزنی ولایتی کینگش اعضاسی محمدنعیم توحیدینینگ سلاموطندارگه ایتیشیچه، اوتگن کیچه طالباننینگ قیزیل قطعه کوچلری مالستاندهگی خوفسیزلیک کوچلر اوستیگه هجوم قیلگن.
اونگه کوره، مذکور آتیشمه ده 13 عسکر هلاک و باشقه 30 عسکر تنجراحتی کوتاریب و خوفسیزلیک کوچلر مالستان مرکزی تامان آرقهگه چیکیلگن.
ارزگانخاص تومنینینگ اوروشی ارگ تامانیدن «قومی» دییلگنی یشاوچیلرنی جدی عکسالعملی گه سبب بولیب و نهایتده جمهورلیک ریاستی فکرینی اوزگریش گه مجبور بولدی.
