داعش‌گه قرشی قنده‌ی کورهش آلیب باریش اوستیده بحث قیلیش اوچون بوگون (سه‌شنبه) کابل ده اوچ تامانلمه ییغین اوتکزیلدی. ییغین‌ده افغانستان، پاکستان و کیسکین ماموریت کوچلری اورته‌سیده کابل‌ده بولیب اوتدی.
ملی مدافعه وزیرلیگی اوپراسیون باشلیغی جنرال حبیب نورستانی‌نینگ سلام‌وطندارگه ایتیشیچه، ییغین پاکستان، افغانستان و کیسکین ماموریت اوپراسیون باشلیغ‌لری اورته‌سیده اوتکزیلگن.
جناب نورستانی، ییغین‌ده کابل – اسلام آباد و کیسکین ماموریت اورته‌سیده هماهنگلیک یره‌تیلیشی اوستیده هم بحث آلیب باریلگن‌لیگینی ایتگن.
بوندن آلدین مملکت ملی مدافعه وزیرلیگی ییغین فقط کابل – اسلام آباد رسمیلری اورته‌سیده اوتکزیله‌دی دیگن ایدی.
رسمی کابل – و اسلام آبادنینگ سونگی وقت‌لردن بیری علاقه‌سی تره‌نگ‌لشگن بیر پیتده بو ایکّی دولت رسمیلری اورته‌سیده ییغین اوتکزیلماقده. افغانستان حکومتی‌نینگ مسووللری، هر دایم پاکستاننی ترورچی‌لرنی حمایت قیلیب کیلگن‌لیک‌ده عیبله گن‌لر.
طالبان‌نینگ سابق رهبری ملامنصور پاکستان توپراغی‌ده اولدیریلیشی رسمی کابل نینگ ادعاسی اوچون یقال مثال حسابلنه‌دی. بو واقعه‌دن کیین پاکستان اقش همده دنیا همجمعیتی آرقه‌لی سیاسی باسیم آستیگه آلینیب کیله‌دی.
