سونگی تورت کونده، داعش گروهی بیلن طالب جنگریلری اورتهسیده یوزبیرگن قتیق اوروشده، داعش گروهی، طالبلر حاکم بولگن منطقهلرنی کوپینچه قسمتلرینی باسیب آلیشگه مؤفق بولگن. بیر محلی منبعگه کوره، اوشبو اوروشده طالب جنگریلریدن کمیده 600 کیشی اشتراک ایتگن؛ شونینگدیک، داعش هم جنگریلرینی اچین، شینواری و کوت تومنلریدن طالبلرگه قرشی کورهشیش خصوصیده چقیرگن.
ننگرهار والیسی سوزلاوچیسی عطاالله خوگیانینینگ، سلاموطندارگه ایتیشیچه، اوشبو توقنهشووده 11 طالب هلاک بولگن و باشقه 19 تهسی یرهلنگن. شونینگدیک، داعش گروهیدن بیش کیشی هلاک بولیب و ایکی کیشی یرهلنگن. دیمک داعش گروهی بیلن طالبلر اورتهسیدهگی اوروش تورت کوندن بویان دوام ایتهدی، بیراق حاضرگچه دولتی کوچلر بو اروشگه قوشیلمهگن.
جناب خوگیانینینگ ایتیشیچه، افغانستان دولتی، داعش بیلن طالبلر اورتهسیدهگی توقنهشوودن فایدهلنهدی و اوشبو ایکی گروهنی تازهلش خصوصیده، تیزلیکده ایشگه کیریشی ممکن. جناب خوگیانیگه کوره، حاضر دولتی کوچلر تامانیدن اچین و شینواری تومنلریده عملیات یولگه قوییلگن و تیزلیکده اوشبو عملیات چپرهار تومنیده هم یولگه قوییلیشی ممکن.
چپرهار تومنی یشاوچیلریدن بیری آتی فاش ایتیلیشینی ایستمهی سلاموطندارگه ایتیشیچه، اوشبو ایکی گروه اوروشی اورتهسیده قالگن کیشیلر یمان وضعیتگه قرار تاپگن. کوچهلر بوش، بازار دکانلری یاپیق و ایکینچیلیک هم توختهتیلگن.
ایتیش لازم، ننگرهار توره بوره منطقهسی، القاعده ترماغی رهبری بن لادن، نیچه ییل بیرلشیک کوچلری بیلن اوروشگن منطقه دیر.
گمانلرگه کوره، داعش گروهی سپین غر و توره بوره تاغلریگه حاکم بولگن صورتده، افغانستان ثباتلیگی اوچون جدی قیینچیلیکلر یرهتهدی.
