.jpg)
افغانستان ایرکین و عادلانه سیلاولر اداره‌سی (فیفا) مسؤوللری‌نینگ ینگی ترقتگن گزارشی‌ده، عیال‌لرنینگ سیلاولر همده حق و حقوقلری باره‌سی‌ده توشونچه‌لری آزلیگی، رای بیریش مرکزلر کملیگی اینیقسه امنیت بولمه‌گنلیگی کیلگوسی سیلاولرده عیال‌لرنینگ کمدن – کم اشتراک قیلیشی اوچون بیرینچی عامل بولگنی یازیلگن.
بوگون (چهارشنبه) فیفا مسؤول‌لری کابل‌ده بیر ییغین اوتکزیب، اوتگن سیلاولرده خاتین قیزلر اشتراکی آزلیگی‌دن تشقری بو قتلم باشقه بولیملرده هم ایریککلر بیلن مساوی حصه‌لری بولمه گنلیگی‌نی ایتگنلر.
بو اداره‌نینگ عاموی اخبارات بولیمی‌نینگ مسؤولی نعیم اصغرزاده‌گه کوره، مملکت‌نینگ اوزاق ولسوال‌لیکلری‌ده عیال‌لرنینگ سیلاولرده کم اشتراک قلیشی ناتوغری عرف و عادتلر همده امنیت‌گه نسبتن ایشانچ بولمه‌گن لیگی‌دن کیلیب چیقه‌دی.
.jpg)
ییغین‌ده اشتراک قیلیب سوزله‌گن جمهور رییس‌نینگ مصلحتچی‌سی عادله بهرام، ملی بیرلیک حکومتی رهبرلریدن، سیلاولر ترغیبات جریانی‌ده اهالی‌گه بیرگن وعده‌لری‌گه عمل قیلیش‌نی سورگن. او، سیلاولرده عیاللر اشتراک قیلیشی اوچون لازم درجه‌ده زمینه یره‌تیلیشی‌نی طلب قیلگن.
اوتگن 12 ییل اینیقسه قورال‌لی طالبلر تیزیمی آغدریلیب افغانستان‌ده ینگی حکومت ایجاد ایتیلیشی بیلن مملکت خاتین قیزلری اوچون سیزیلرلی درجه‌ده شرایط یره تیلگن بولسه – ده اما، بو ساحه‌ده آلیب باریلگن سعی حرکتلر هنوز هم عیال‌لرنی دییرلی حق و حقوقلری‌گه ایریشیش اوچون امکان یره تمه‌گن.
طالبلر زمانی‌ده عیاللرگه اجتماعی همده سیاسی بولیملرده فعالیت قیلیش بوتونلی توسیلگن ایدی. قورال‌لی طالبلر تامانیدن عیاللر اوچون یره‌تیلگن چیکلاولرده عیاللر حتی کونده‌لیک ایشلری‌ده هم معین بیر چهار چوبه ده چیکله‌نیب قالگن ایدی. لیکن، حاضرگی کونده ایریم توسیقلرنی نظرده توتمه‌گن حالده، افغانستان‌ده عیاللر فعالیتی ساحه‌سیده انچه اوزگریش کیلگن‌لیگی سیزیلیب تورگن مساله.
