سلاموطندار قولگه کیریتگن معلومات اساسیده، عالملر کینگشی و قرهمه قرشیلیکلرنی حل قیلیش کمیسیونی ده صرف ایتیلیشی قرار قیلینگن 172 میلیون افغانی ملی خوفسیزلیک کینگشی تامانیدن تالان قیلینگن.
قویاش 1395- ییلده ملی خوفسیزلیک کینگشی دن یوکسک تفتیش ادارهسی نینگ حجتی دولت خزانهسیگه کمیده 200 میلیون افغانی زیان ییتیشگنینی کورستهدی و اونینگ خرجت رویخطی یوز دن آرتیق جزئی موردگه ییتیشهدی.
قویاش «1394-11-1» ملی خوفسیزلیک کینگشی دفترینینگ 9- رقم تکلیفی و جمهورلیک ریاستی نینگ «2213» رقم حکمی اساسیده، قره مه قرشی لیک لرنی حل قیلیش کمیسیون خرجتی و معاشی اوچون 100 میلیون افغانی و 1395- مالی ییل ده عالم لر کینگشی دن مالی حمایت قیلینیشی اوچون 72 میلیون افغانی 91- کود دن «210،220،222،224» کودلریگه انتقال بیریلگن. بو تکلیف ده خرچ ایتیلگن پول ذکر قیلینمه گن.
شونینگدیک، بو توغریده خزانه لر عمومی ریاستی نینگ ایتیشیچه، خوفسیزلیک کینگشی 100 میلیون افغانی خرجتی توغریسیده هر مرته معمولی جدول نی حجت صفتیده بیره دی و بو پول خرجتی توغریسیده ایشانچ لی حجت ایسته گن صورتده، جمهورلیک ریاستی گه مراجعت قیلیب آلغه باریش لازم.
خزانه لر ریاستی دن نقل قیلیش تفتیش اداره سی نینگ یازیشیچه، اوشبو موضوع تیکشیریلیشی اوچون تفتیش اداره سی تامانیدن بیر کمیسیون تعیین ایتیلگن، بیراق مذکور کمیسیون تیکشیروولرینی سونگی ده 1394/11/14 تأریخی گه 2213 حکمی ده خوفسیزلیک کینگشی تامانیدن 172 میلیون افغانی خرچ ایتیلگنی توغریسیده ارایه قیلینگن حجت نی «سلبی» دییدی.
اوشبو گزارش ده یوکسک تفتیش اداره سی مسؤوللری نینگ ایتیشیچه، نیچه مرته بو توغریده مالیه وزیرلیگی و ملی خوفسیزلیک کینگشی دن جواب سوره گن لر، بیراق سعی و حرکت لر نه فقط نتیجه بیرمه گن، بلکیم بو اداره نینگ زیانی گه سبب بولگن.
بو توغریده تفتیش اداره سی نینگ فکرینی اورگنماقچی بولدیک، بیراق کیین مه کیین سعی و حرکت و کوپینچه وعده لر بیلن مذکور اداره جواب بیریش دن وازکیچدی. شونینگدیک، مالیه وزیرلیگینینگ مسؤوللری قونغیراقلرگه جواب بیرمهدی و ملی خوفسیزلیک کینگشی هم بو موضوع توغریسیده جواب بیریش نی ملی منفعتلرگه قرشی بیلیب و تفتیش ادارهسی نینگ گزارشی توغریسیده جواب بیریش دن باش تارتدی.
عین حالده، یوکسک تفتیش ادارهسی گزارشی دن سلاموطندار قولگه کیریتگن معلومات گه کوره، خوفسیزلیک کینگشی اوتگن 3 ییلده عالملر کینگشی و قرهمه قرشیلیکلرنی حل قیلیش کمیسیون خرجتینینگ بوتون قرضی دن یالغیز 7% دولت خزانهسیگه انتقال بیرگن، بیراق سوراق توغیلهدی کیم، بیریلگن سوزلر عکسینچه بولگنی، فسادگه قرشی کورهش، شفافیت یخشیلنیشی توغریسیده حکومتنینگ سعی و حرکتی و مالیه وزیرلیگینینگ درآمدی یوقاری بولگنی گه قرهگنده، تالان قیلینگن پوللرنی تقدیری نیمه بولیشی ممکن.
