خوست ولایتی موساخیل تومنی‌نینگ یشاوچیلریدن بیرقطاری‌نینگ ایتیشیچه، مذکور تومن‌ده بیر ساغلیق‌نی سقلش مرکز قوریلیشی ممکن ایدی، بیراق نماینده‌لر کینگشی اعضاسی کمال‌ناصر اصولی، ولایت حاکمی و ساغلیق‌نی سقلش اداره باشلیغی‌نینگ دخالتی آرقه‌لی باشقه منطقه‌ده انتقال بیریلگن.
اعتراضچیلرنینگ ایتیشیچه، کمال‌ناصر اصولی، سیلاو کمپاینی جریانیده موساخیل تومنی یشاوچیلریگه 30 یاتاقلیگ بیر ساغلیق‌نی سقلش مرکز قوریشی‌دن وعده بیرگن ایدی، بیراق وعده سیگه عمل قیلمه‌گن.
اولرنینگ ایتیشیچه، خوست حاکمی حکم‌خان حبیبی و ساغلیق‌نی سقلش باشلیغی حبیب‌شاه انصاری جناب اصولی گه همکارلیک قیلگن.
بیراق خوست ولایتی بویچه ساغلیق‌نی سقلش اداره باشلیغی حبیب‌شاه انصاری‌نینگ ناراضچیلر ادعاسینی رد قیلیب ایتیشیچه، DH ساغلیق‌نی سقلش مرکزنینگ انتقال بیریش قراری محلی اداره، ولایتی کینگش و شهر قوریش ریاستی تامانیدن آلینگن.
عین‌حالده، نماینده‌لر کینگشی اعضاسی کمال‌ناصر اصولی‌نینگ ایتیشیچه، بو ایش خوست محلی اداره‌سیگه تیگیشلی دیر.
بیراق خوست حاکمی‌نینگ سوزلاوچیسی طالب منگل نینگ ایتیشیچه، مذکور ساغلیق‌نی سقلش مرکزنی انتقال بیریلیشی‌گه محلی اداره دخالت قیلمه‌گن.
حاضرده خوست ولایتی‌نینگ 12 تومنی‌نی یشاوچیلری ساغلیق خذمت‌لرگه قول تاپه آلمه‌یدیلر.
