قندهار یشاوچیلردن بیرقطاری، پولیس تامانیدن یشاوچیلر سوء استعمال ایتیلیشی، تاولانچیلیک قیلینیشی و قیناققه آلینیشیگه قرشی اعتراض بیلدیریب قندهار-ارزگان قتناو یولینی توسگنلر. اولرنینگ آگاهلنتیریشیچه، تاولانچیلیکلر آلدی آلینیب و خوفسیزلیک تأمینلنمهگن صورتده، قندهار-ارزگان قتناو یولی آچیلمهیدی.
اولرنینگ ایتیشیچه، یولاوچیلر بو یولدن اوتیب و مقصدی گه ییتیشیش اوچون هر بیر امنیتی پوستهده قطار کیشیلرگه پول بیریشگه مجبور بولهدیلر.
بو توغریده سلاموطندارگه صحبت بیرگن ارزگان ولایت مقامی اورین باسری عبدالواحد پتاننینگ ایتیشیچه، اوشبو یول هیداوچیلری و یولاوچیلرینینگ شکایتلرینی قولگه کیریتگن و ینگی بیر ریجه اساسیده، تیزلیکده مذکور قتناو یول خوفسیزلیگی تأمینلنیب و هیداوچیلر بیلن یولاوچیلرنینگ قیینچیلیکلری حل ایتیلهدی.
اوشبو عکسالعمللر اوتگن هفته ناتانیش قوراللی کیشیلر مذکور یولدن 5 یولاوچینی اوغیرلب و بیر مدتدن سونگ، اولرنینگ جسدلری ارزگان گه تیگیشلی منطقهدن تاپیلگنیدن کیین، بیلدیریلدی.
