.jpg)
سمنک پیشیریش افغانستانده استقامت خلق نینگ ایسکی عرف وعادتلریدن سنهلهدی. ینگی ییل برکتلی بولیشی همده کوکلم بهار کیلیشیگه نظر قیلیب، هر ییلی بو حوزه بویلب سمنک پیشیریلهدی.
تخار ولایتی هم مخصوص بیرهم لر اوتکزیش بیلن سمنک پیشیریش ولایتلردن بیری. ولایتنینگ عیاللری ایرککلر اشتراکیسیز ییغیلیب سمنک پیشیره دیلر.
پارس مدنیتیگه کوره، اوینینگ بیکسی بوغدای اوروغینی ایکهدی. بوغداینینگ اروغیگه سوو بیریب قویاشگه قوییب ییتکزهدی. بوغدای اوزیگه قیزیغیش رنگ آلگنده، ییردن کوتاریلهدی. در حقیقت سمنک قیزرتیریلیگن بوغدایدن تیارلنهدی.
ظریفی خانم مخصوص کونیکمه بیلن سمنک تیار قیله دیگن خاتینلردن. اونینگ سمنک تارلش اوچون سلام وطندارگه ایتیشیچه، سمنک اوچون تیارلنه دیگن بوغدای کتّه بیر ایدیش گه آلینیب، سمنک پیشیریله دیگن کونگه قدر، اویلب سقلنهدی. سمنک اوچون مخصوص بوغدای تیار بولگن دن سونگ سمنک قیله دیگن عایله، بیرهم آلیش اوچون قوم قرینداشلرینی چیقیرهدی.
سمنک بیرهمیده عیاللر سمنک شیرین لیککه اوتیشی اوچون بیزگه همکارلیک قیلهدی دیدی خاتینلردن بیری. سمنک بوغدایدن تیارلنگن شیرهگه اون قوشهمیز. سونگ قازان آستیگه اوت یاقیب سمنک تیارلش گه اولگوره میز دیدی صحبتداش.
سمنک تارلشده عیاللر تامانیدن منه بو قوشیق کویلنهدی:
سمنک در جوش ما کفچه زنيم
ديگران در خواب ما دفچه زنيم
سمنک پیک بهارست
ميله شب زنده دارست
این خوشی سال یک بارست
سال دیگر یا نصیب
.jpg)
سمنک پیشیریش پیتیده عیاللر نوبت اساسیده کیچه بویی قازاننی قوزغیدیلر. هر کیشی اوز آرزو ایستهگینی تیلگه آلیب، مخصوص قوشیقنی خیرگاهی قیلیشگه حرکت قیلهدی. سابق زمانلردهگی روایتلرده سمنک تیارلنگندن کیین یوزیگه مخصوص بیلگی کورینگن حالده، کیشیلرنینگ کونگلیدهگی ایستهگی قبول بولگن لیگینی انگلتهدی.
سمنک پیشیریشده چمهسی اون ایکی ساعت قازان آستیگه اوت قویلهدی. کیچ آسیلگن سمنک قازانی آسیتیگه ایرتلب تانگ آتگونگه قدر، خاتین – قیزلر توپلهنیب قصه و حکایهلر قیلهدی.لر. سمنک قازانی نینگ قاپغاغی تاتنگ آتگندن سونگ آلینهدی. سمنک قازانینینگ آغیزی دستلب وضو آلیب تانگ نمازینی اوقیگن خاتین تامانیدن آچیلهدی.
تخار مدنی فعاللریدن بیری شیما علم سروشنینگ حکایه قیلیشیچه، سمنک بیرهمینینگ باشقه عرف عادتلریدن بیری سمنک پیشیریلگن قازاننی قوریق قیتریب بیرمسلیک دیر. هر کیم، اوز مالی امکانیتیگه کوره، قازانگه پول تشلیدی. نهایت مالی امکانیتی بولمهگن کیشی قازان ایچیگه درختنینگ بیر یپراغینی تشلیب سونگ چییقاریب آلهدی.
مملکت شاعریلردن بیری وحید بکتاش، سمنک بیرهمی مملکتنینگ اوزاق ایلدیز آتگن تاریخی بیرهملریدن بولگن لیگینی ایتهدی. اونگه کوره، مذکور بیرهم عیاللر و خاتین – قیزلر آرقهلی اوتکزیلهدی.
مملکتنینگ حاضرگی سیاسی و ینه مدنی احوالی بارهسیده اشاره قیلگن جناب بکتاش، بیرهم لر مملکتده استقامت قیلهدیگن خلقنینگ فرهنگ و مدنیتیدن نمایندهلیک قیلهدی دیدی. بو مدنیتلر سقلهنیشی اوچون حکومت جدی سعی وحرکت قیلیشی درکار.
اوتگن 14 ییل آقیمیده افغانستاندهگی قوملرنینگ عرف – عادتی و مدنیتی سقلهنیب قالیشی اوچون نا دولت ادارهلر تامانیدن دییرلی ایشلر عملگه آشیریلدی؛ اما، دولت مملکتدهگی مخصوص جشن و بیرهملر تاریخی ارزشی اوچون اونچهلیک اعتبار بیرمهگن. عین حالده، مذکور بیرهملر افغانستان اهالیسی اینیقسه مملکتنینگ اوزاق حدودلریده استقامت قیلهدیگن خلق تامانیدن نشانلنهدی.
