د خوست د امنيې قومندانۍ ویاند عادل حيدر وایي، د دې چاودنې له کبله ۱۲ کسانو ته مرګژوبله اوښتې ده.
عادل زیاتوي، پېښه تېره شپه لس نيمې بجې د دغه ولايت مرکز اړوند د کونډيو په ستر کلي کې شوې ده.
د حيدر په خبره، چاودنه د واده د هغو ګډونوالو په منځ کې شوې چې د محلي سندرغاړو کنسرټ ته راټول شوي وو چې له کبله یې څلور کسان وژل شوي او اته نور ژوبل دي.
نوموړی دغه راز زیاتوي، واده د ملي اردو د يوه چارواکي و خو وژل شوي ټول ملکي وګړي دي.
په ورته مهال د خوست د ملکي روغتون رییس سيد انور رسنیو ته ویلي، دوی ته د پېښې له ځايه څلور جسدونه او دوه ټپيان ور وړل شوي.
د چاودنې پړه تر اوسه چا نه ده منلې.
