پکتیا ولایتی نینگ مطبوعاتی دفتری تمانیدن ترقه‌تیلگن خبرنامه‌ده کیلیشیچه، ائتلافی کوچلرنینگ هوایی هجومی نتیجه سیده مذکور ولایت خوشامند تومنی‌نینگ معروف خیل منطقه سیده 30 عرب جنگری هلاک بولگن.
مذکور هجوم بوگون ایرته‌لب ساعت 8 ده یوزبیرگن.
شونینگ‌دیک بو خبرنامه‌ده مذکور ولایت جرکن تومنی‌نینگ یوسف خیل منطقه سیده ایکی طالب هلاک بولگنی‌دن خبر بیریلگن. خبرنامه گه کوره، بو هجوم‌ده طالب‌لرنینگ نقلیه واسطه لری هم اورته‌دن کیتگن.
باشقه تاماندن خوست ولایتی نینگ مطبوعاتی دفتری تامانیدن ترقه‌تیلگن خبرنامه‌ده کیلیشیچه، اوتکن کون مذکور ولایت زازی میدان تومنی‌نینگ شاوی منطقه سیده طالب‌لر امنیتی پوسته‌لر اوستیگه هجوم اویوشتیرگن.
خبرنامه‌ده یازیلیشیچه، بو هجوم‌ده امنیتی کوچلرگه زیان ییتمه گن، بیراق 5 جنگری طالب هلاک بولگن. خبرنامه‌گه کوره، بو هجوم‌ده طالب‌لرنینگ بیر زیکویکی اورته‌دن کیتگن.
بیراق، طالب‌لر حاضرگه قدر بو توغریده هیچ نرسه دیمه‌گن.
انه شونده‌ی، بیر یریم هفته آلدین خوست ولایتی نینگ علیشیر تومنی منطقه سیده اوچووچی‌سیز اوچاق هجومی نتیجه‌سیده 34 کیشی هلاک بولگن ایدی.
بو هجوم طالب‌لرنی قومندان‌لریدن بیری‌نینگ جنازه مراسمی گه یوزبیرگن و بو هجوم محل یشاوچیلری‌نینگ قرشی لیگی‌گه روپه بولدی. اولرگه کوره، مذکور هجوم‌ده هلاک بولگن‌لرنی برچه‌سی کوچی‌لر ایکن.
بیراق، خوست ولایتی نینگ رسمی‌لری‌گه کوره، ایسلنگن هجوم طالب‌لرنی قومندان‌لریدن بیری‌نینگ جنازه مراسمی‌ده یوزبیرگن و هلاک بولگن‌لرنینگ برچه‌سی هم اوشبو گروه‌نی اعضاسی ایکن.
ائتلافی کوچلرنینگ هجوم‌لری شونده‌ی بیرحالده یوزبیره‌دی کیم، خلق ارا کوچلری‌نینگ حربی ماموریتی افغانستان‌ده اوز اداغی‌گه ییتیشگن.
