خوست و نیمروز ولایت‌لریده 240 دن کوپ اوقوچی زهرلنگن‌لر. خوست و نیمروز ولایتلری شفاخانه‌سی‌نینگ مسوول‌لری، 241 اوقوچی زهرلنگن‌لیگی باره‌سیده خبر بیرگن‌لر. رسمیلر، زهرله‌نیش‌نینگ سببی هنوزگچه معلوم ایمس دیگن‌لر؛ اما، بو توغریده تیرگاو باشلنگنی رسمیلر تامانیدن تیل‌گه آلینگن.
نیمزو ولایت مرکزی شفاخانه‌سی‌نینگ باشلیغی داکتر نور احمد شیرزاد سلام‌وطندارگه، بوگون (سه‌شنبه) ایرتلب زرنج شهریده‌گی "شهیدگل مکی" مکتبی‌نینگ زهرلنگن 220 اوقوچی‌سی شفاخانه و کلینیک‌که آلیب کیلگن‌لریدن سونگ دواله‌نیش آستی‌گه آلیگن‌لر دیگن.
جناب شیرزاد، طبیی تیکشیرولر اوشبو قیز اوقوچی‌لر بیر قسم زهرلنتیروچی ماده بیلن زهرلنگن‌لیک‌لری معلوم بولگن دیگن. لیکن، هنوزگچه ماده‌نینگ نیمه قسملیگی انیق‌لنگنیچه یوق.
نیمروز معارف اداره‌سی‌نینگ باشلیغی عبدالواحد حکمت خبرنی تصدیقلب، زهرلنگن قیز اوقوچیلرنینگ کته‌قسمی 9 یاش‌دن 13 یاشگچه بولگن لیکلرینی تیل‌گه آلیب؛ اما، زهرلنگن‌لر ایچی‌ده 10 – 12- صنف اوقوچی‌لری هم یوق ایمس دیگن.
عین حالده، نیمروز ولایت امنیه قوماندانلیگی‌نینگ پولیس رسمیلری، هنوزگچه واقعه‌ده قولی بارلیگی گمان قیلینیب بیرار شخص حبس‌گه آلینمه‌گن لیگینی اعتراف قیلگن. باشقه تاماندن، خوست ناحربی شفاخانه‌سی‌نینگ داکترلری، بوگون توش‌دن آلدین ساعت 10 ده زرغونه‌انا لیسه‌سی‌نینگ زهرلنگن 21 اوقوچی‌سی دواله‌نیش اوچون ساغلیق‌نی سقلش ادراه‌سی‌گه آلیب کیلینگن‌لیکلرینی بیلدیرگن.
مذکور ولایت ساغلیق‌نی سقلش اداره‌سی یوقمه‌کسللیک‌لرگه قرشی کوره‌شیش بولیمی‌نینگ مسوولی داکتر گل‌احمدشاه، بیر قنچه قیزلر منطقه‌ده‌گی قودوق سووینی ایچگن‌دن کیین زهرلنگن‌لیکلرنی سلام‌وطندار ترماغی‌گه ایتگن. او، هنوزگچه هم زهرلنیش‌نینگ اصلی سببی معلوم ایمس دیگن.
مملکت بویلب مکتب‌لرده قیز اوقوچیلرنی زهرله‌نیشی ییریک قیینچ‌لیکلرنی توغدیرگن. بیراق، مرکزی حکومت رسمیلری، حاضرگه قدر هم مساله اوچون حل یول تاپیش‌گه دییرلی موفق بولمه‌گن‌لر. اخیرگی بیر هفته ایچی‌ده بو ایکینچی بار اوشبو ولایت‌ده قیز اوقوچی‌لر زهرلنه‌دیلر.
