خوست ولایتیده نیچه ییل‌دن بویان صناعتچی‌لرنینگ ایش‌لری یخشی بیر شکلده رواجلنگن و بو ولایت‌نینگ ایش‌خانه‌لری خوست یشاوچیلریگه کیره‌کلی نرسه‌لردن کوپینچه‌سینی ایشلب چیقاریش‌گه قادر بولگن.
بیراق، صناعتچی‌لردن بیرقطاری‌نینگ ایتیشیچه، مذکور ولایت یشاوچیلرینینگ کیره‌کلی نرسه‌لریدن کوپینچه‌سینی ایشلب چیقاریش‌گه قره‌مه‌ی، اولر ییر، برق، خام ماده و مسلکی ایشلاوچی‌لر یوقلیگی باعث، کوپینچه قیین‌چیلیک‌لرگه روپه‌ره بولیب تورگن‌لر.
اولرگه کوره، حکومت اولرگه یالغیز جواز توغریسیده همکارلیک قیله‌دی.
شونینگدیک، خوست ولایتیده صناعتچی‌لر بیرلیگی‌نی باشلیغی اصیل محمد، مذکور ولایت صناعتچی‌لری کوپینچه قیین‌چیلیک‌لرگه روپه‌ره بولگنینی تَن آله‌دی.
خوست ولایتیده صناعتچی‌لر بیرلیگی‌نی باشلیغی، حکومت‌دن چیت‌ایل مملکت‌لردن آلیب کیلینه‌دیگن توارلرنینگ گمرکی تعرفه‌لرینی آشیریب و خوست صناعتچی‌لری اوچون بازار تاپیشی‌نی سوره‌گن.
بیراق، خوست حاکمی سوزلاوچیسی طالب منگل‌نینگ ایتیشیچه، مذکور ولایت صناعتچی‌لری اوچون 400 جریب ییر نظرگه آلینگن و تیزلیک‌که ترقه‌تیله‌دی.
خوست ولایتیده حاضر 250 ایشخانه فعالیت قیله‌دی و مذکور ولایت یشاوچیلرینینگ کیره‌کلی نرسه‌لرینی اوشبو ایش‌خانه‌لر ایشلب چیقاره‌دی.
