.jpg)
د خوست ښار په یو جومات کې له چاوندې چې د رایهورکوونکیو نوملیکنې مرکز په کې و او د ناامنیو ځېنو نورو پېښو وروسته خلک وېرېدلي او غواړي د نوملیکنې مرکزونه له جوماتونو، ښوونځیو او روغتونونو بهر جوړشي.
د یعقوبیو په نوم د خوست ښار ستر جومات کې د رایهورکوونکیو نوملیکنې پر مرکز د تېرې یکشنبې ورځې له خونړۍ چاودنې وروسته خلک سخت وېرېدلي دي.
د ریپوټونو پربنسټ په هغې چاودنې ۱۷ کسان وژل شوي وو او ۳۴ تنه نور ټپیان شوي وو.
عام خوستوال او مدني فعالان وايي، د نوملیکنې مرکزونه دې له ټولګټو ځایونو بهر شي او داسې سیمو ته دې ولېږدول شي چې د عامو خلکو ډېره مخه هلته نه وي.
په خوست کې د ټاکنو خپلواک کمېسیون ولایتي مشر عبدالرحمان محبت هم سلاموطندار سره خبرو کې ومنله چې په جوماتونو او ښوونځيو کې د نوملیکنې مرکزونو امنیت خوندي نه دی.
.jpg)
هغه وايي، د ولسمشر د حکم پراساس جوماتونه او ښوونځي ځکه د رایهورکوونکیو نوملیکنې لهپاره غوره شوي چې دغه بهیر کې د درغلیو مخه ونیول شي.
ښاغلی عبدالرحمان محبت زیاتوي، د بودیجې نهشتوالي او د وخت محدودیت له امله بله چاره نه لري.
په دې اړه مو وغوښتل د خوست امنیې قوماندانۍ نظر هم را واخلو، خو له خبرو یې ډډه وکړه.
ریپوټونه وايي، دې وروستیو کې د خوست ځینو سیمو کې د ناامینو له امله د نوملیکنې بهیر پیکه شوی او خوستوال اندېښمن دي که دغه بهیر ته جدي پام ونه شي؛ په راتلونکیو ټاکنو کې به لږ شمېر خوستوال ګډون وکړي.
