افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد، اورته آسیا مملکت‌لری نینگ تشقی ایشلر وزیرلری بیلن اوچره‌شیب افغانستان تینچلیک لایحه‌سی خصوصیده صحبت اوتکزگن.
بوگون "چهارشنبه" جناب خلیلزاد نینگ توییتر صحیفه‌سیده یازیشیچه، اوزبیکستان باشکنتی تاشکند ده اوزبیکستان، تاجکستان، ترکمنستان، قزاقستان و قرغزستان مملکت‌لری نینگ تشقی ایشلر وزیرلری بیلن اوتکزگن اوچره‌شوویده افغانستان تینچلیک لایحه‌سی و اورته آسیا مملکت‌لری نینگ حیاتی اورنی خصوصیده صحبت قیلگن.
جناب خلیلزاد نینگ ایتیشیچه، اورته آسیا و ایرکین مملکت‌لری افغانستان همکارلیگی بیلن جنوبی آسیا گه باغلنگن صورتده، منطقه و آمریکا منفعتی‌گه دیر.
افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد، افغانستان تینچلیک لایحه‌سی خصوصیده بولگن ینگی سفرینی اوچ کون آلدین باشله‌گن ایدی.
ایتیلیشیچه، جناب خلیلزاد اوتگن کونی توشدن آلدین ویدیویی بیر ییغین آرقه‌لی، جمهور رئیس غنی و ملی مصالحه کینگشی باشلیغی عبدالله عبدالله بیلن اوچره‌شگن ایدی.
