افغانستان تینچلیک لایحه‌سی بوییچه آمریکا نماینده‌سی زلمی خلیلزادنینگ ایتیشیچه، کیله‌جک هفته یکشنبه و دوشنبه کونلری قطرنینگ دوحه شهری افغانستانلیک‌لر ارا سوزلشوولرگه میزبانلیک قیله‌دی.
جناب خلیلزاد اوز تویتر صحیفه‌سیده یازیب ایتیشیچه، آلمان و قطر اوشبو سوزلشوولرنی میزبانلیک قیلیش‌گه کیلیشگن.
زلمی خلیلزاد کیله‌جک هفته ییغینیدن تینچلیک چارچوبه‌سیده اونملی عنصر صفتیده ایسله‌گن.
افغانستاندن چیت‌ایللیک کوچلرنینگ چیقیشی، آتیش‌کیسین و افغانستانلیک‌لر ارا سوزلشوولر بو چهارچوبه گه شامل بوله‌دی.
عین حالده، طالبان گروهی بیلن سوزلشوولر شدتلنگن بیرچاغده، اوتگن کون کابل قانلی بیر هجوم گه گواه بولدی. یوز بیرگن واقعه ده 100 دن آرتیق کیشی یره‌لندی. بو آره‌دن 52 ته‌سی کیچیک باله‌لر دیر.
بیراق، قطرده طالبان گروهی نینگ سیاسی دفتری سوزلاوچیسی سهیل شاهین ینه بیر بار اورغولشیچه، افغانستان حکومتی بیلن مذاکره قیلمه‌یدیلر. اونینگ تویتر صحیفه‌سیده یازیشیچه، چیت‌ایللیک کوچلرنینگ چیقیش زمانی بیللی بولگونگه‌قدر افغانستانلیک‌لر ارا سوزلشوولر باشلنمه‌یدی.
