بوگون «سه‌شنبه» افغانستان مدنی جماعه‌چیلیک انستیتوتی نینگ مسؤوللری، خصوصی شرکت‌لرنی اجتماعی مسؤولیتی توغریسیده تدقیقی بیر گزارش نشر قیلیب ایتیشیچه، افغانستانده خصوصی سکتورلرنی اجتماعی مسؤولیتی بولیمی‌ده هیچ قنده‌ی آلقیش‌لی، نظارتی و استراتیژیکی بیر سیستم یوق دیر.
اولرگه کوره، بو توغریده خصوصی شرکت‌لرنینگ حرکت‌لری اختیاری دیر و بو شرکت‌لر ایسته‌گن‌لری کبی عمل قیلیشه‌دی.
اوشبو گزارشنی تدقیقاتچیسی رفعت لودین نینگ ایتیشیچه، بو تدقیقات یولگه قوییلگنیدن مقصد، اجتماعی مسؤولیت بولیمی‌ده خصوصی شرکت‌لرنینگ ایشلری تیکشیریلیشی دیر.
اونگه کوره، افغانستانده کته خصوصی شرکت‌لردن 40% نینگ اجتماعی مسؤولیت‌لرینی رفع قیلیش اوچون بودجه‌سی بولمه‌گن.
بیراق، اوشبو ییغینده صناعت و سوداگرلیک اتاقی اورین باسری خان‌جان الکوزی، دولت نی خصوصی سکتور بیلن همکارلیک قیلمس‌لیک‌که عیب‌لیدی.
جناب الکوزی نینگ ایتیشیچه، افغانستانده خصوصی سکتور مسؤوللری، سرمایه‌لریدن 25% نی اوزلری و عایله اعضالری نینگ خوفسیزلیگی نی تأمین‌لش اوچون صرفله‌یدی و دولت خصوصی سکتور خوفسیزلیگی نی تأمین‌لش اوچون هیچ بیر ایش قیلمه‌گن.
افغانستان مدنی جماعه‌چیلیک انستیتوتی نینگ تدقیقی گزارشی نی بیر قسمی ده کیلیشیچه، شرکت‌لرنینگ اجتماعی مسؤولیتی خلق ارا حمایتی بولمه‌گنده افغانستان ترقیاتی نی تأمین‌لش دیر.
