خبرچی‌لر دوسیه‌لرینی تیکشیره‌دیگن عدلی و قضایی کمیته قیلگن تحقیقات‌لری نتیجه‌سینی اعلام قیلدی.
ایرکین رسانه‌لر حمایتچی‌سی (نی) اداره‌سی نینگ اجرایی باشلیغی عبدالمجیب خلوتگرنینگ کابل‌ده خبری انجمن آلیب ایتیشیچه، حاضرگه مذکور کمیته ایکی ییغین آلگن و خبرچی‌لرگه قرشی 697 دوسه دن 60 قتل حادثه‌سی، 46 یره‌لنتیریش، 222 کلتک‌لش، 84 قولگه آلیش، 29 اوغیرلنیش و 238 قتل قیلیش‌گه تهدیدلر تیکشیریلیب اوتگن.
جناب خلوتگرنینگ معلوم قیلیشیچه، تیکشیریلگن 697 دوسیه‌دن، 252 دوسیه کوپ زمان آلیشی اوچون چیقاریلگن و قالگن 427 دوسیه ایسه کوریب اوتیلیشی بیلن تیگیش‌لی نهادلرگه یوباریلگن.
نی اجرایی ریاست باشلیغی‌گه کوره، ملی امنیت ریاستی، ایچکی ایشلر وزیرلیگی، باشقرهلاوچیلیک اداره‌سی و تشقی ایشلر وزیرلیگی جمهور رییس‌لیک سرایی بیلن اویغونلیک‌ده مذکور دوسیه‌لرنی تیزلیک‌ده کوریب اوته‌دیلر.
جمهور رییس غنی نینگ خبرچی‌لرگه قرشی بولگن خشونت‌لر تیکشیریلیب اوتیلیش باره‌سیده خبرچی‌لرگه قرشی بولگن خشونت‌لر تیکشیریلیشی اوچون اوتگن ییل عدلی و قضایی کمیته ایجاد ایتیلگن ایدی.
کمیته، باشقرهلاوچیلیک اداره‌سی، ایچکی ایشلر وزیرلیگی، ملی امنیت ریاستی، مدنیت و اخبارات وزیرلیگی و خبرچی‌لر فدراسیونی و رسانه‌لر شامل 5 عضودن تشکیل ایتیلگن.
عدلی و قضایی کمیته تیکشیریش نتیجه‌سی شو پیتده نشر بوله‌دی که خبرچی‌لردن کوپیسی رسانه‌لر حقوقی‌دن حمایت قیله‌دیگن نهادلر ایشلری و خبرچی‌لرگه قرشی خشونت‌لر دوسیه‌سی تیکشیریلمه‌گن‌لیگی‌دن شکایت قیله‌دیلر و مذکور نهادلر فعالیت‌لریدن قناعت قیلمی‌دیلر.
