اوتگن «دوشنبه» کون کابل‌ده خبرچیلرگه قرشی اویوشتیریلگن قانلی هجوم قربانلریدن ایسلش مراسم‌ده مدنی فعاللر و خبرچیلردن بیرقطاری‌نینگ ایتیشیچه، طالبلر و داعش گروهی‌نینگ تهدیدلری برابریده اولر بوتونله‌ی مدافعه سیز دیر؛ دولت و باشقه خبرچیلرگه طرفدار اداره‌لر، اولرنینگ خوفسیزلیگی توغریسیده دقت قیلمه‌یدی.
مدنی فعاللردن بیری باری سلام‌نینگ ایتیشیچه، طالبلر و داعش گه قرشی مدنی نهادلر، خبرچیلر و حتا دولت کم کیلگن.
اوشبو فعاللرگه کوره، ترورچیلر بیلن تیینچلیک لایحه‌سی ضرر کورمه‌سین‌لیگی اوچون طالبلر و داعش جنایتی‌گه قرشی هیچ‌کیم سیس چیقاره‌آلمی و اولرنی دشمن خطاب قیلیش گه جرعت قیلمیدی.
مملکت خصوصی تلویزیون‌لر خبرچیلریدن بیری سید طارق مجیدی‌نینگ دولت دن تنقید قیلیب ایتیشیچه، دولت‌نینگ خبرچیلرگه قرشی هجوم عامللری نی تانیب قانون گه تاپشیریشی کیرک.
مجیدی، خبرچیلردن حمایت ایته‌دیگن نهادلردن معلومات بیریش و خبرچیلردن حمایت ایتیش خصوصیده پروژه‌یی حرکت قیلمی، بلکیم خبرچیلردن دفاع قیلیش اوچون دقت قیلیشی نی سوریدی.
رسانه‌لردن باشقه بیری‌نینگ ایشلاوچیسی رحمت الله علیزاده‌نینگ خبرچیلردن حمایت ایته‌دیگن نهادلردن تنقید قیلیب ایتیشیچه، اوشبو نهادلر یالغیز اوزی منفعتلری اوچون فکر قیله‌دی و خبرچیلردن بیرقطاری اولیب و یره‌لنگن حالده اولر اوچون فکر قیله‌دی.
ملی بیرلیک حکومتی‌نینگ رهبرلری مملکتده ایرکین سوز و خبرچیلر حامی سی بولگنی نی ایتیب کیلگن بیرحالده خبرچیلر و رسانه‌لر گه قرشی هجوملر کوپیب بارماقده.
"دوشنه" کون خبرچیلرگه قرشی صورت تاپگن خودکش هجوم نتیجه سیده 9 خبرچی هلاک بولیب و باشقه 4 ته‌سی یره‌لنگن.
