اوتگن ییل‌گه قره‌گنده بو ییل (1395)- ییلده خبرچیلرگه قرشی زوروانلیک میزانی 50% کمیگن. افغانستان خبرچیلر مرکزی‌نینگ مسووللری، اوتگن ییل خبرچیلرگه قرشی 191 مورد زوروانلیک رویطخگه آلینگن بو رقم ایسه جاری ییل 95 موردگه کمیگن دیدیلر.
مملکت خبرچیلر مرکزی اداره‌سی نینگ مسوولی احمد قریشی کابل‌ده خبرچیلر کونینی نشانلش مناسبتی بیلن اوتکزیلگن ییغین‌ده خبرچیلرگه قرشی یوز بیرگن زوروانلیک نینگ توپلمدن 7 کیشی اولیم، 8 مورد یره‌له‌نیش، 3 مورد قولگه آلیش، 40 مورد فیزیکی زوروانلیک، 5 مورد قوراللی مخالفلر تامانیدن بولگن هجوم و 32 مورد ایسه اولیمگه تهدید قیلیش‌دن عبارت.
جناب قریشی، خبرچیلرگه قرشی بومذکور زوروانلیک تهدیدلر حکومت، زوروانلر، نا معلوم قوراللی شخصلر و طالبلر تامانیدن عملگه آشیریلگن دیدی.
حکومت اجراییه ریاستی نینگ باشلیغی داکتر عبدالله‌عبدالله، خبرچیلرگه قرشی یوز بیرگن زوروانلیک دوسیه‌لر جدی تیکشیریلیشی‌نی سوره‌گن. او، حکومت خبرچیلرنینگ اهالی‌گه تورلی ساحه‌لردن خبر تیارلب ییتیشتیریشنی حمایت قیله‌دی دیگن.
افغانستان اخبارات و مدنیت وزیرلیگی نینگ یایینلر بوییچه اورین باسری سید آقا حسین فاضل سانچارکی، خبرچیلرگه قرشی زوروانلیک آلدی آلینیشی اوچون هنوزگچه جدی چاره تدبیر کورمه‌گن لیگینی بیلدیرگن.
افغانستان‌ده خبرچیلر فعالیتی بیلن مشغول‌نی تشکیلات جاری ییل خبرچیلر اوچون اینگ قانلی ییل بولگن لیگینی بیلدیرگن بیر پیت مملکت خبرچیلر مزکزی 1395- ییلده خبرچیلرگه ضد زوروانلیک 50% کمیگن لیگینی معلوم قیلگن.
نی تشکیلاتی نینگ میلادی 2016- ییلده خبرچیلرگه قرشی 415 مورد رویخطگه آلینگن لیگینی اعلان قیلگن ایدی.
