پارلمانی سیلاولر جاری ییل ثور آییده اوتکزیلیشی کوتیلردی؛ اما ایریم دلیللر سبب بیر ییل کیینگه قالدیریلدی.
سیلاولرگه اصلاحات کیرتیش کمیسیونینینگ ایریم اعضالری مذکور کمیسیون ایشی باشلنمسلیگی اوچون جمهور رییس همده اجراییه ریاستینینگ کیلیشماووچیلیگی سبب بولگن لیگینی ایتگنلر.
مذکور کمیسیون نینگ اعضاسی گل احمد مددزی نینگ سلام وطندارگه ایتیشیچه، حاضرگی وضعیت جمهور رییس غنی و عبدالله عبدالله نینگ کیلیشماووچیلیگی دن کیلیب چیقهدی. او، کمیسیون نینگ حقوقی جایگاهی اثباتلنگن، لیکن مملکت رهبرلری اورتهسیده مذکور کمیسیون ایشگه باشلهشی اوچون سونگی قرار اوستیده کیلیشیلمهگن.
جمهور رییس غنی بوندن ایکّی آلدین یعنی امریکاگه سفر قیلمسدن آلدین سیلاولر ادارهسیگه اصلاحات کیریتیش اوچون مخصوص کمیسیون ایجاد بولیشی اوچون فرمان صادر قیلگن ایدی؛ اما، جمهور رییسلیک سرایی و اجراییه ریاستی اورتهسیدهگی موجود قرهمه قرشیلیک شکریه بارکزی مذکور کمیسیون باشلیغی صفتیده ایشلهشی آرتده قالدیریلدی.
بو مسالهنی کیینگه قالیشی ملی بیرلیک حکومت رهبرلری اورتهسیده تنقیدلرگه دوچار بولدی.
اجراییه ریاستی نینگ بیرینچی معاونی محمد خان نینگ عاموی اخبارات واسطهلریگه ایتیشیچه، ملی بیرلیک حکومتی نینگ رهبرلری بیر ساعتده کمیسیونگه اصلاحات کیریته آلهدی.
عین حالده، افغانستان شفاف سیلاولر بنیادینینگ مسووللری، سیاسی اراده بولمهگنلیگی کمیسیون ایشی باشلنمسلیگی اوچون بیرینچی عامل سنهلیشینی ایتگنلر.
اوشبو ادارهنینگ باشلیغی محمد نعیم ایوبی نینگ سلام وطندارگه ایتیشیچه، افغانستان جمهور رییسی محمد اشرفغنی واجراییه ریاستی باشلیغی عبدالله عبدالله اورتهسیدهگی فرقلی قرهشلر کمیسیوننی جدی مشکلگه دوچار قیلگن.
شونینگدیک اجراییه ریاستی نینگ عاموی اخبارت مساله لری بوییچه مصلحتچیسی صفی الله عمرخیل نینگ سلام وطندارگه ایتیشیچه، سیلاولرگه اصلاحات کیرتیش کمیسیون تیزلیکده اوز ایشیگه باشلهشی لازم.
افغانستانده اوتکزیلگن جنجالی سیلاولردن کیین اورته گه کیلگن ملی بیرلیک حکومتی نینگ رهبرلری سیاسی کیلیشووگه قول قوییب، حکومت سیلاولر تیزیمیگه اصلاحات کیریتیش اوچون کیلیشگن ایدیلر. لیکن، سیاسی کیلیشوودن سکیز آی اوتیشی بیلن بو کمیسیون نینگ تقدیری هنوز هم بیللی ایمس.
