.jpg)
ایریم سیاسی تحلیل‌چی‌لر، دولت بلند مرتبه‌لی رسمیلری‌نینگ میلادی جاری ییل آقیمیده مملکت بویلب نا برقرارلیک آشیشی توغریسیده گی قرمه – قرشی گپلری اهالی اورته‌سیده ییریک تشویش توغدیره‌دی دیگنلر.
افغانستان جمهور رییسی نینگ یخشی حکومت چیلیک اوچون مخصوص نماینده‌سی احمد ضیامسعود اوتگن کون تخار ولایتی‌گه قلگن سفری جریانیده جهاد قوماندانلریگه تینچ‌لیک مذاکره‌سی گه الدنملس‌لیک لرینی سوره‌ب مبارزه اوچون تیار بولیش لرینی طلب قیلگن.
اما، جمهور رییس سوزلاوچی‌سی نینگ اورین باسری سید ظفر هاشمی خبری بیر ییغینده امنیتی ملی کوچلرنینگ یوتوقلری باره سیده خبر بیرگن.
ایش سیزلیک، قشاقلیک، اهالی مملکت‌نی ترک قیلیش جریانی کون ساین آشه یاتگن بیر پیتده دولت رسمی لری نینگ بو قبیل سوزلرنی تیلگه آلیشی اهالی روحی گه قنچه لیک تاثیری بار؟
عین حالده، دولت رسمی لری نینگ بو قرمه – قرشی سوزلری باره‌سیده سوزله گن بعضی تحلیل‌چی لرگه کوره، بو ایش ایسه اهالی ایچیده تشویش آرتیش گه باعث بوله‌دی.
سیاسی تحلیل چی لطیف نظری، بو قبیل سوزلر افغان ملی کوچلری بیلن ناتو اورته‌سیده هماهنگ لیک بولمه‌گن لیگی‌دن کیلیب چیقه‌دی دیگنلر. بو ایسه ترورچی‌لرنی فایده له‌نیشی اوچون زمینه بوله‌دی دییله‌دی.
عین حالده، سیاسی تحلیل‌چی‌لردن بیری محمد یونس فکور، مملکت حکومتی مسووللری اورته‌سیده هماهنگ‌لیک بولمه‌گن لیگی بو قبیل قرمه – قرشی سوزلر تیلگه آلینیشی گه سبب بوله‌دی دیگن.
او، جمهور رییس حکومت مسووللری مدیرتی نی اداره قیلمه آلمس‌لیگیدن شکایت ایتگن.
.jpg)
جناب فکور گه کوره، افغانستان حکومتی ایچیده ایش بولینی‌شی لازم بولمه‌گن، ده بو قرمه – قرشی صحبت‌لر مملکت اوچون یامان عاقبت‌لرنی آلیب کیله‌دی.
عین حالده، بعضی سیاسی تحلیل‌چی‌لر، حکومت نینگ ایریم بلند مرتبه‌لی رسمیلری اوز شخصی منفعت‌لرینی قولدن بیرمس‌لیک اوچون بو قبیل سوزلرنی تیلگه آله‌دی دیگن لر. حکومت رسملری‌نینگ بونده‌ی سوزلری مسوولیت سیزلیک‌لریدن کیلیب چیقیشی ایتیله‌دی.
اوشبو تشویش‌لر جاری ییل آقیمیده افغانستان‌نینگ شمال و شمال شرقی ولایت‌لریده قوراللی طالب‌لرنینگ نفوذی همده حاکمیتی آشگن بیر پیتده تیلگه آلینماقده. مذکور گروه بوندن بیش آی آلدین مملکت نینگ شمال شرقیده جایلشگن قندوز ولایتی‌گه هجوم قیلیب اوشبو ولایت‌نی ایکّی کون اوز نظارتی گه آلگن ایدی.
محلی بلند مرتبه‌لی رسمیلرنینگ سوزلریگه قره‌گنده قندوز، تخار و بدخشان ولایتی‌نینگ ییریک قسمت‌لری افغان ملی کوچلری تامانیدن باشقریله‌دی.
