.jpg)
نهایت گلبدین حکمتیار رهبرلیگیده بولگن اسلامی حزب بیلن تینچلیک شرطنامهسیگه قول قوییش پایانیگه ییتدی.
تینچلیک شرطنامه‌سی‌نینگ ایکینچی باسقیچی‌گه بوگون افغانستان جمهور رییسی محمد اشرف‌غنی و اسلامی حزب رهبری گلبدین حکمتیار تامانیدن ویدیو کنفرانس آرقه‌لی قول قوییلدی.
اوشبو ویدیو کنفرانس‌ده جناب حکمتیار آلدینگی صحبتلری دوامیده ینه بیر مرته خلق ارا حربی کوچلر افغانستاننی ترک قیلیشی اوستیده تاکیدله گن. او، افغانستان‌ده دایمی برقرارلیک اورنه تیلیش‌نینگ یگانه یولی چیت ایللیک حربیلر مملکت‌نی ترک قیلیش‌گه باغلیق دیگن.
اسلامی حزب رهبریگه کوره، حاضرگی وضعیت‌ده اینگ مهم موضوع مملکت‌ده اوروش‌گه پایان بیریب امنیت‌نی تامینلش دیر.
حکمتیار، اسلامی حزب و حکومت اورته‌سیده امضالنگن تینچلیک شرطنامه‌سی حاضرگی وضعیتی‌نی اوزگرتیره‌دی دییه تاکیدله‌گن.
تینچلیک شرطنامهسیگه قول قوییش اوچون بوگون جمهور رییسلیک سرایی‌ده اوتکزیلگن ییغین‌ده سیاستچیلر، دولت بلند مرتبه‌لی رسمیلری و تشقی مملکتلر دیپلوماتلری اشتراک قیلگن ایدیلر.
اسلامی حزب و حکومت اورته‌سیده تینچلیک مذاکره اوتکزیش بوندن ایکّی ییل آلدین باشلنگن ایدی دیدی جناب حکمتیار.
او، حکومت‌دن تینچلیک مراسه‌نینگ بوتون ماده‌لری عملی ایتیلیشی اوچون وعدهسیگه وفا قیلیشی‌نی سوره‌گن. اوروش هیچ بیر گروه‌نینگ منفعتی‌گه بولمه‌گن لیگی حقیده تاکید ایتگن حکمتیار، اوشبو تینچلیک شرطنامهسیگه قول قوییلیشی افغانستان خلقی‌نینگ فایده‌سیگه بولیشی اوچون امید بیلدیرگن.
.jpg)
اسلامی حزب باشقه جنگری گروه‌لر جلمه‌دن داعش، القاعده و طالبان کبی افغانستان حکومتی بیلن دشمنلیک‌ده بولیب، حاضر بوتون قوراللی گروه‌لرنی تینچلیک لایحه‌سیگه قوشیلیش‌نی طلب قیلگن. شونینگدیک بو حزب نینگ رهبری افغانستان حکومتی‌دن قوراللی طالبلر بیلن تینچلیک مذاکره مساله‌سینی جدیلشتریش‌نی سوره‌ب، بو حرکت محبوسلرینی هیچ قنده‌ی شرایط‌سیز آزاد ایتیلیشی‌نی بیلدیرگن.
قوشنی مملکتلر افغانستان ایچکی مساله‌لرگه اره‌لشمه‌سین دیدی حکمتیار. او، قوشنی مملکتلر افغانستان‌ده اوروش النگه‌سینی قنچه‌لیک تازه قیلمه‌سینلر، نیتلریگه کامیاب بولمیدیلر دیگن.
ییغین‌ده حکمتیاردن کیین ایکّینچی کیشی جمهور رییس سوزگه چیققن. اونینگ ایتیشیچه، حاضر دولت‌نینگ باشقه قوراللی مخالفلری یوللرینی اوزگرتیریب، اسلامی حزب کبی تینچلیک قوشیلسین یا-ده مخالفتی‌گه دوام بیرسین.
جمهور رییس غنی، اسلامی حزب بیلن کیلیشیش بو مساله‌نی انگلته‌دی کیم تینچلیک‌که قوشیلگنلر " تینچ و تاتو فضاده حیات کیچره آله‌دی"
اسلامی حزب بیلن افغانستان حکومتی اورته‌سیده امضالنگن تینچلیک شرطنامه‌سی مملکت اساسی قانونی‌گه موافق عملی بولگن دیگن غنی.
مملکت رهبری جناب‌غنی، افغانستان‌ده‌گی ایکّی نسل بوتون حیاتی‌نی اوروش‌ده اوتکزگن حاضر ایسه اوچینچی نسل اوروش‌ده یشه‌مسلیگی کیره‌ک.
جمهور رییس، تینچلیک اوچون بوله‌دیگن سعی و حرکتلر شاشیلیچ و احساساتی بولمس‌لیگی لازم دیگن.
غنی سوزلری آخریده افغانستان حکومتی دنیا هم‌جمعیت مملکتلریگه یره‌ش تامین بولیشی اوچون وعده بیرگن و بو وعدهسیگه وفادار توره‌دی دیدی.
سوزگه چیققنلردن باشقه بیری ملی بیرلیک حکومتی‌نینگ اجراییه ریاستی باشلیغی عبدالله عبدالله بولدی. او، تینچلیک شرطنامهسیگه قول قوییلیشی باشقه مخالفلر اوچون نمونه بوله‌دی دیدی. عبدالله، مملکت‌ده برقرارلیک وتینچلیک تامین بولیشی اوچون هیچ قنده‌ی سعی وحرکت‌دن اَیَه‌مسلیگینی بیلدیرگن. شونینگدیک شرطنامه‌نینگ ماده‌لر عملی بولیشی اوچون حکومت تامانیدن هیچ قنده‌ی معما یره‌تیلمس‌لیگی باره‌سیده ایشانچ بیرگن حکومت اجراییه باشلیغی.
عین حالده، اسلامی حزب حکومت‌گه قوشیلیشی ملی بیرلیک حکومتی‌نینگ بو توغریده‌گی سعی وحرکتلری اوچون سونگی فعالیت ایمس‌لیگی حقیده ینه بیر مرته تاکید ایگن جناب عبدالله.
اسلامی حزب بیلن تینچلیک شرطنامهسیگه قول قوییلگن‌لیگینی افغاسنتان حکومتی اوچون کته موفقیت دیگن عالی تینچلیک کینگشی نینگ باشلیغی سیداحمد گیلانی اوروش و اولدیریش هیچ زمان حل یول ایمس دیگن.
باشقه دولت قوراللی مخالفلری اوچون اسلامی حزب نمونمه بولسین دیدی گیلانی.
افغانستان حکومتی واسلامی حزب اورته سیده‌گی تینچلیک شرطنامه‌سی نینگ ماده‌لری دولت و اسلامی حزب وعده‌لریدن عبارت. بو شرطنامه آلتی فصل و 26 مادهدن عبارت.
کیلیشووگه اساسن ایکّی تامان اوروش‌گه پایان بیریب، امنیت و برقرارلیک تامین بولیشی، اسلامی قدریتلرگه بها بیریش و افغانستان بیر پرچهلیگی اوچون حرکت قیله دیر.
اسلامی حزب توده‌سی افغانستان حکومتی بیلن تینچلیک شرطنامه‌گه قول قوییشی اوچون نیچه آیدن بیری سعی وحرکتلر باشلنگن ایدی. بو حزب داعش، طالبان و القاعده کبی جنگری توده صفتیده افغانستان حکومتی بیلن اوروشیب کیلگن ایدی.
جاری ییل ثور آییده اسلامی حزب بیلن حکومت اورته‌سیده تینچلیک مراسه‌گه قول قوییلیشی کوتیلردی، اما نا معلوم دلیللر باعث بو جریان آرتده قالگن ایدی.
