سلام‌وطندارگه ییتیب کیلگن حجت‌لرنی کورسه تیشیچه، حکومت برقی کیملیک اداره‌سیده ایشلب کیله‌دیگنلرنی ایشدن آلماقچی.
ایچکی ایشلر وزیرلیگی نینگ سوزلاوچیسی صدیق صدیقی نینگ سلام وطندار بیلن قیلگن صحبتیده، بو وزیرلیک اوچون برقی کیملیک ترقه تیلیش لایحه سی اوته مهم ایدی، بیراق مالی امکانات بولمه گنی و جهانی جامعه یاردملیکلری کیسلیب قالیشی دلیل مذکور اداره ایشلاوچیلرینی جواب بیریشگه مجبور بولگنلر.
ملی بیرلیک حکومتی ایجاد ایتیلیش وعده لریدن بیری برقی کیملیک ترقه تیلیش لایحه سی تطبیق بیریلیشی ایدی و ایش بیلرمانلردن کوپیسی، حکومت نینگ اهچ بیر اصلاحات کیلتیریش، یخشی حکومت دارلیک و سیلاو شفافلیگی باره سیده بوله دیگن لایحه لری برقی کیملیک یوقلیگی بیلن امکانی یوق دیب بیله دیلر.
اسد آیی نینگ 28- کونیده برقی کیملیک ایشی باشله نیشی ایتیلگن ایدی؛ اما نامعلوم دلیللرباعث جمهور رییس تامانیدن بو لایحه بالشه نیشی کیینگه تشلنتیریلدی.
اولکه یشاوچیلری کاغذی کیملیک و بو کیملیک دن چیقیب کیلگن قیینچیلیکلردن چرچه گنلر؛ بیراق ملی بیرلیک حکومتی دن بیرییل اوتیشی و حکومت باشلیغلری نینگ برقی کیملیک ترقه تیلیشی باره سیده کاغذی و تیلده بیرگن وعده لری کون سایین یشاوچیلر آلدیده ایشانچ سیز بولیب بارماقده.
سلام وطندارگه ییتیب کیلگن حجتنی کورسه تیشیچه، ایچکی ایشلر وزیرلیگی برقی کیملیک اداره سی ایشلاوچیلری نینگ ایش دوام ایتیشلری باره سیده سسه یگن.
شو بیلن بیرگه بوندن آلدین هردایم ایچکی ایشلر وزیرلیگی و مخابرات و تکنالوژی وزیرلیگی مذکور اداره بو لایحه عملگه آشیریشی گه قادرلیگیگه تأکید قیلگن ایدیلرو باشله نیشده برقی کیملیک اداره سی سیناغ شکلیده اولکه یشاوچیلریدن اوهم دولت ایشلاوچیلری بولسه 5 یوز مینگ دن آرتیق کیشیگه کیملیک بیره دی دیگن ایدی.
عین حالده برقی کیملیک نشرات اداره سی باشلیغی فیاض الدین غیاثی نینگ سلام وطندارگه ایتیشیچه، بو اداره ایش دن بوشه تیلیشی ایشلاوچیلرینی خواطرلر بیلن روپه ره قیلگن.
جناب غیاثی نینگ کوپه یتیریشیچه، اولکه حاضرگی وضعیتیگه قره گنده، برقی کیملیک اداره ایشلاوچیلری ایش دن آلینگن صورتده، بولر برچه سی ایش سیز قاله دیلر.
جمهورلیک سرایی دن هم بوباره ده فکر اورگه نیش قصدیده بولیب کوپلب تماس آلدیک ولی موفق بولمه دیک.
