فاریاب ولایتی کوهستان تومنینینگ قطار یشاوچیلرینی سلاموطندارگه ایتیشیچه، مذکور تومننینگ ولسوالیک، محکمه، مکتبلر و کسلخانهلری شامل هیچبیر دولتی ادارهسی فعال ایمس.
عینحالده، فاریاب ولایتی کینگش اورین باسری صبغتالله سیلاب نینگ سلاموطندارگه ایتیشیچه، پولیس قومندانلیگیدن باشقه هیچبیر دولتی اداره اوشبو تومنده فعال بولمی و اهالی کوپینچه قینچیلیکلر بیلن روپهره بولگن.
فاریاب ولایتی کینگش اورین باسریگه کوره، جمعیت و جنبش حزبلری آرهسیده تارتیشولر بولگنی باعث دولتی ادارهلر فعالیت قیلمهیدی.
بو توغریده فاریاب حاکمینینگ فکرینی آلیش اوچون سعی و حرکت قیلدیک؛ بیراق حاکم سوزلاوچیسی بو توغریده صحبت قیلمهدی.
عینحالده، فاریاب پولیس قومندانلیگینینگ سوزلاوچیسی عبدالکریم یورشنینگ مذکور ولایت کوهستان تومنی یشاوچیلرینینگ ادعالرینی رد قیلیب ایتیشیچه، مذکور تومنده امنیتی نهادلر فعال دیر.
کوهستان فاریاب ولایتینینگ ناتیینچ تومنلریدن بیری بولیب حاضرگهقدر نیچه مرته طالبان کنترولیگه اوتگن.
