کابل‌ده افغانستان بوییچه شفاف سیلاو اداره‌سی یا-ده «تیفا» نینگ عیاللر سیاسی اشتراکی کمیته‌سی تامانیدن یولگه قوییلگن ییغینده افغانستان کته زونلری عیاللری نینگ ایتیشیچه، حکومت ده عیاللردن جنسی فایده‌لنیش عیب‌لاولری توغریسیده عیاللر وزیرلیگی عکس‌العمل بیلدیرمه‌گن.
تیفا برنامه‌لرینی باشلیغی صغرا سعادت نینگ ایتیشیچه، عیاللر وزیرلیگی عیاللرنینگ آتی گه پروژه آله‌دی، بیراق عیاللرنینگ وضعیتی گه دقت قیلمه‌یدی.
مملکت کته زونلری نینگ عیاللری، بیر شرطنامه صادر قیلیب حکومت دن اداره‌لرده عیاللر جنسی قیناقلرگه دوچ کیلیشی تیکشیریلیشی اوچون بیر کمیسیون ایجاد قیلینیشی نی سوره‌گن. شونینگدیک، اوشبو شرطنامه‌ده کیلیشیچه، حکومت عیاللردن حمایت قیلیب و اولرنینگ قانونی ایستک‌لرینی ایشیتیشی کیره‌ک.
شونینگدیک، بو موضوع توغریسیده عیاللر وزیرلیگی نینگ فکرینی اورگه‌نیش اوچون علاقه قوردیک، بیراق مؤفق بولمه‌دیک.
افغانستان کته زونلری عیاللری نینگ ایتیشیچه، حاضرگی شرایط‌ده عیاللر کوپینچه قیین‌چیلیک‌لر جمله‌دن خوفسیزلیک، جنسی نابرابرلیک، عیاللرنینگ حقی بیلن معالمه قیلیش خطری و سیاسی قرارلرده اولرگه رول بیریلمه‌سیگه روپه‌ره بولیب تورگن.
اوشبو موضوعلر بیان ایتیلگن بیرچاغده، کمیده بیر آی آلدین، جمهور رئیس سابق مصلحتچیسی حبیب‌الله احمدزی نینگ ادعا قیلیشیچه، جمهورلیک ریاست سرایی ده بولگن قطار کیشی‌لر، حکومت تشکیلاتیده عیاللرنی ایش گه آلیش بدلی‌ده اولردن جنسی رشوه طلب قیله‌دیلر.
