بوگون «پنج‌شنبه» کابل‌ده خبری ییغین اوتکزگن افغانستان ایرکین میدیالریدن حمایت قیلووچی دفتری یا-ده نی تشکیلاتی مسؤوللری‌نینگ ایتیشیچه، اولرنینگ گزارشی اساسیده، قندهار ولایتیده خبرچیلرنینگ خوفسیزلیک وضعیتی یخشی ایمس دیر و اوشبو ولایت‌نینگ پولیس قومندانی، حکومت‌دن تنقید قیله‌دیگن 6 خبرچی‌نی ایش‌دن بوشتگن.
نی تشکیلاتی اجراییه باشلیغی مجیب خلوتگرنینگ ایتیشیچه، قندهار امنیتی رسمی‌لری و پولیس قومندانی، خبرچیلردن امنیتی تهدیدلر باعث، اویده اولتیریب و ایشلرینی اویده قیلیش‌لرینی سوره‌گن.
خلوتگرگه کوره، خبرچیلرگه قرشی چکیلاو تعیین قیلیش ایش بیرمه‌یدی و قندهار امنیتی رسمی‌لری‌نینگ بو ایشی خبرچیلیک ایشی توخته‌لیشی‌گه سبب بولمه‌یدی.
نی اجراییه باشلیغی‌نینگ کوپه‌یتیریشیچه، قندهارده بولگن خبرچیلر یمان وضعیت‌ده حیات کیچیره‌دیلر و خبرچیلرنی اویده اولتیرغیزماق اولرنینگ روح و روانی گه سلبی تأثیر قویه‌دی.
نی تشکیلاتی مسؤوللریگه کوره، قندهار امنیتی رسمی‌لری خبرچیلرنینگ خصوصی حیاتی گه اره‌لشه‌دی و بو ایش قانون گه قرشی دیر.
شونینگدیک، بو توغریده قندهار پولیس قومندانلیگی‌نینگ فکرینی اورگنماق اوچون علاقه قوردیک؛ بیراق تکرار سعی و حرکت‌لر نتیجه‌سیز قالدی.
