.JPG)
تشقی ایشلر وزیرلیگی نینگ سیاسی معینی حکمت کرزی نینگ سلام‌وطنداربیلن قیلگن صحبتده ایتشیچه، طالب‌لر تورت تامانلمه اولتیریشگه اشتراک ایتیشنی رد قیلگن و مذکور گروه بیلن مذاکره قیلیش امیدی باشقه قالمه‌گن.
شونینگ‌دیک جناب کرزی تینچ‌لیک اورنتیش تورت تامانلمه اولتیریش باره‌سیده کولگینچ قیلیب ایتیشیچه، مذکور اولتیریش یخشی نتیجه بیرگن، اما فقط کاغذگه قالگن؛
تشقی ایشلر سیاسی معینی نینگ سوزلریگه قره‌گنده، تورت تامانلمه اولتیریشلر اوچون پاکستان بیرگن وعده‌لریگه صادق ایمس. افغانستان، پاکستان، امیریکه و چین مملکت‌لری کابل و اسلام‌آباد ده بولیب اوتگن تورت تامانلمه اولتیریشده، پاکستان مارچ آیی‌نینگ بیرینچی هفته‌سیده طالب‌لرنی مذاکره میزیگه آلیب کیلیش وعده‌سینی بیرگن ایدی؛ اما حاضر مارچ آیی نینگ تورتینچی هفته‌سی سونگی کونلری دیر، بو اولتیریشدن هیچ قنقه بیر خبر یوق.
شونینگ‌دیک بو تینچ‌لیک اولتیریشلریدن نیچه دوریگه قتنشگن سیاسی تحلیلچی ادریس رحمانی نینگ ایتیشیچه، اوروش تامانلری اینیقسه افغانستان دولتی تامانیدن چیزیلگن قیزیل چیزیقدن اوتیشگه حاضر ایمس‌لر و برچه ایستک‌لرینی قولگه کیلتیرماقچی بولگنلر.
بو سیاسی تحلیلچی‌گه کوره، پاکستان هم تینچ‌لیک سوزلیشیش‌لریگه یاردم قیلیشی بیلن انیق ایستک‌لری بار که افغانستان دولتی هم اونی قبول قیلمیدی. جناب رحمانی نینگ اورغولشیچه، پاکستان، افغانستان دولتی نینگ تشقی سیاستی‌گه اره‌لشماقنی ایستیدی و شونینگ‌دیک افغانستان چیگره‌وی ولایتلریده نفوذ قیلیشنی ایستیدی.
شو بیلن بیرگه ملی امنیت سرپرستی شو اخیرده طالب‌لر گروهی طیبه لشکری، البدرمجاهدلری و جیش محمد گروه‌لری بیلن ایتلاف قیلگن‌لیگیدن خبر بیره‌دی. بوگون (دوشنبه) ملی امنیت سرپرستی نمایندهلر کینگشیده قیلگن صحبتده، طالب‌لر بو ایتلاف‌لری بیلن مملکت بویلب یوکسک سیاسی و نظامی هدف‌لرنی آرتیدن توشگن‌لیگینی بیلدیره‌دی.
