بوگون «یکشنبه» اسلامی حزب رهبری گلبدین حکمتیار خبری بیر ییغینده، جمهورلیک ریاستی سیلاوی گه اشاره قیلیب ایتیشیچه، او مسئول جمهور رئیس ایستهیدی؛ آمریکا تامانیدن قدرت گه اِیریشیب و آمریکا ایستمهگن صورتده، اونینگ دولتی دنیا بوییچه فاسد بیر مملکت تانیلیب و قاره رویخط گه داخل بولهدیگن جمهور رئیس ایستمهیدی.
حکمتیار جنابلری گه کوره، کیلهجک جمهور رئیس دیکتاتور بولمهسی کیرهک؛ هر کیشی کیم حزبلر تامانیدن تنلهنیب و اولرنینگ شانهسیگه مینیب ارگ چوکیسیده اولتیرگنیدن کیین، برچه وعدهلرینی اِیسدن چیقرمهسی کیرهک.
حکمتیار جنابلری گه کوره، نمایندهلر کینگشی سیلاوی باشلنگنیدن بویان، فساد، پارهخورلیک و ساختهکارلیک کینگ شکلده دوام ایتماقده؛ شو یوزهدن برچه حزبلر سیلاو تیزیمی گه اصلاحات و اوزگریش کیریتیلیشینی ایستهیدیلر.
شونینگدیک، حکمتیار جنابلری بو ییغینده کیلهجک حکومتده اجراییه ریاستی لغو ایتیلیشی گه اشاره قیلیب ایتیشیچه، اونینگ حزبی جمهورلیک ریاستینینگ کیلهجک سیلاویده عملی برنامهلری تیزیمیده اجراییه ریاستی گه جای بولمهگن بیر تیمدن حمایت قیلهدی.
