.JPG)
اسلامی حزب نینگ رهبری گلبدین حکمتیار لغمان ولایتی نینگ مرکزی مهترلام شهریده مطبوعات‌ده قیلگن بیرینچی چیقیشی‌ده افغانستان‌ده حاضرگی اوروش بیهوده بیر جنگ دیگن.
ولایت نینگ بلند مرتبه‌لی مسووللری همده اهالی حضوریده سوزلگن حکمتیار اوروش‌ده مملکت خلقی قربان بولیش‌دن بولک فایده یوق دیگن.
افغانستان خلقی اولدیریلیشینی چیده‌ب بولمه‌یدیگن بیر مساله دیدی جناب حکمتیار. او، قوراللی طالبلردن اوروش‌دن قول کوتاریب تینچلیک مراسه‌گه اوتیشنی طلب قیلگن.
بلخ ولایتیده شاهین 209 قول اردوده اویوشتیریلگن هجومنی قاره‌لگن حکمتیار مسلمانلرنی اولدیرش حرام دیب، بوتون اوروش تامانلریدن جنگ‌گه پایان بیریشلرینی طلب قیلگن.
تینچلیک پیامی بیلن کیلگن گبلدین حکمتیار برچه جنگریلردن قورال اسلحه‌لرینی ییرگه قوییب تینچلیک لایحه‌سیگه قوشیلیشلری باره‌سیده علیحده تاکید قیلگن.
او، مملکت نینگ بوتون شخصیتلری، سیاستچیلر و حزبلردن حاضرگی بحرانگه یکون یسش اوچون تینچلیک لایحه‌سی توغریسیده حکومت‌گه همکارلیک قیلیشلرینی سوره‌گن.
.JPG)
تینچلیک کینگشی نینگ کاتبلیگی همده جمهور رییس غنی نینگ سیاسی مساله‌لر بوییچه مخصوص نماینده‌سی محمد اکرم خپلواک، جناب حکمتیار تینچلیک لایحه‌سیگه کیریشی بو جریان نینگ بیر بعدی تکمیل بولگن لیگی معنیسی‌ده دیگن.
شونینگدیک اسلامی حزب بیلن حکومت اورته‌سیده امضالنگن شرطنامه نینگ بوتون ماده‌لر کوچگه کیریتیلیشی اوچون حکومت بیرگن وعده‌سیگه عمل قیله‌دی دیگن جناب خپلواک.
عین حالده، جمهور رییس‌لیک سرایی بیر خبرنامه ترقه تیب اسلامی حزب نینگ رهبری گلبدین حکمتیار لغمان ولایتی‌گه کیلگن لیگینی خوش قرشیله‌گن.
خبرنامه نینگ بیر بولمی‌ده کیلیشیچه، افغانلر ارا تینچ لیک مذاکره اوتکزیش و جناب حکمتیارنینگ کیلیشی افغانستانلیکلر موجود قیین چلیک و مشکللرنی حل ایتیش قابلیتی‌گه ایگه ایکنلیکلرینی کورسته‌دی دییلگن.
افغانستان حکومتی بیلن اسلامی حزب اورته‌سده‌گی تینچلیک شرطنامه‌گه اوتگن ییل قول قوییلگن ایدی.
