بوگون «دوشنبه» کابل‌ده خبری ییغین اوتکزگن تینچلیک و اسلامی عدالت سیلاو تیمی نینگ رهبری گلبدین حکمتیارنینگ ایتیشیچه، سیلاو ایرکین کمیسیونی ساخته آوازلر اساسیده، جمهورلیک ریاست سیلاوی‌نینگ دستلبکی نتیجه‌سینی اعلان قیلگن.
اوشبو ییغینده جناب حکمتیارنینگ ایتیشیچه، جمهورلیک ریاست سیلاویده بیر میلیون و 200 مینگ‌دن آرتیق ساخته آواز صندوقلرگه کیریتیلگن.
جناب حکمتیارگه کوره، سیلاو ایرکین کمیسیونی تینچلیک و اسلامی عدالت سیلاو تیمی‌نینگ قانونی ایستک‌لریگه دقت قیلمه‌گن.
اونینگ کوپه‌یتیریشیچه، اسلامی حزب طرفدارلری حقلریدن مدافعه قیله‌دی و ساخته نتیجه‌نی تَن آلمه‌یدی.
شونینگدیک، اونینگ ایتیشیچه، چیت‌ایللیک کوچلر هیچ‌قچان ایرکین‌لیک ایسته‌گن حکومتنی قبول قیلمه‌یدی.
اوشبو موضوعلر بیان ایتیلگن بیرچاغده، سیلاو ایرکین کمیسیونی اوتگن کون «یکشنبه» جمهورلیک ریاست سیلاوی‌نینگ دستلبکی نتیجه‌سینی اعلان قیلدی.
دستلبکی نتیجه اساسیده، محمداشرف غنی 923868 آواز «50.64%» قولگه کیریتیب بیرینچی و عبدالله عبدالله 720990 آواز «39.52%» قولگه کیریتیب ایکینچی بولگن.
شو توغریده…
دموکراسی تابوتی‌گه سونگی میخ؛ نبیل: اعلان قیلینگن نتیجه مردم‌سالارلیک‌که قرشی کودتا دیر
