بوگون «دوشنبه، 20- عقرب» کابل‌ده خبری بیر ییغینده نطق سوزلگن جمهورلیک ریاست سیلاوی نینگ نامزدلریدن بیری گلبدین حکمتیار، کیم‌سه دن آت توتمه‌ی ایتیشیچه، 25 مینگ بایومتریک اسکونه‌سی بدلی ده ساخته‌کارلر تامانیدن درمالوگ شرکتی گه 27 میلیون دالر رشوه بیریلگن.
اونگه کوره، بو اسکونه‌لرنینگ بهاسی بوتون جهازلری بیلن 10 میلیون دالردن آرتیق بولمه‌یدی.
اونینگ ایتیشیچه، باشقه شرکت‌لر 10 میلیون دالر بدلی‌ده سیلاو خذمت‌لرینی عمل گه آشیریش اوچون تیارگرلیک کورسه‌تیشگن ایکن، بیراق بو وظیفه اولرگه بیریلمه‌گن.
حکمتیارنینگ اورغولشیچه، تنیق آوازلر توپله‌میدن 1.2 میلیون آواز اجره‌تیلگنده، جمهورلیک ریاست سیلاوی نینگ آوازلریدن 44% ساخته دیر و بو ساخته‌کارلیک سیلاوده بایومتریک اسکونه‌لریدن فایده‌لنیشی گه قرشی‌لیک بیلدیرگن تیم تامانیدن عمل‌گه آشیریلگن.
جمهورلیک ریاست سیلاوی نینگ اوشبو نامزدی نی ایتیشیچه، آواز بیریش زمانیدن تشقری صندوقلرگه توشگن 300 مینگ آواز قیته سنه‌لیشی دولت قورووچی تیم دن باشقه سیلاو تیم‌لری اوچون قبول قیلینمس دیر.
جناب حکمتیارنینگ ایتیشیچه، باش‌قاره‌لاوچیلیک و باش محکمه سیلاو جنایت‌لرینی تیکشیره آلمه‌یدی و بو ایش اوچون جمهورلیک ریاست سیلاوی نینگ بوتون نامزدلرینی مصلحتی بیلن قضایی بیر هیأت تعیین ایتیلیشی کیره‌ک.
گلبدین حکمتیارنینگ کوپه‌یتیریشیچه، 6- میزان سیلاویده کیم‌سه یوتوققه ایریشمه‌گن و بو جریان ایکینچی دورگه کیته‌دی و ایکینچی دور جمهورلیک ریاست سیلاوی یولگه قوییلیشیدن آلدین، وقتینچه‌لیک بیر حکومت تشکیل ایتیلیشی کیره‌ک.
اونینگ ایتیشیچه، سیلاو ایرکین کمیسیونی ایکی کون جریانیده آوازلرنینگ قیته سنه‌ش نتیجه‌سینی اعلان قیلیشی توغریسیده سوز بیرگن، بیراق 40 کونده مؤفق بولمه‌گن.
عین حالده، جمهورلیک ریاست سیلاوی نینگ نامزدلریدن باشقه بیری رحمت‌الله نبیل نینگ ایتیشیچه، حاکم تیم اعضالری، خوفسیزلیک و عدالت سیلاو تیمی نینگ اعضالری نی میدیالرده تهدید قیلیشه‌دی. جناب نبیل گه کوره، حکومت ملازم‌لری عدلی و قضایی اداره‌لرنینگ باشلیغ‌لرینی مهمان قیلیب و اولردن قطار کیشی‌لرگه قرشی دوسیه توزه‌تیش‌لرینی طلب قیله‌دی.
خوفسیزلیک و عدالت سیلاو تیمی نینگ رهبری رحمت‌الله نبیل، دنیا جماعه‌چیلیگی‌دن جمهورلیک ریاست سیلاویده ساخته‌کارلیک‌که مشروعیت بیریش خصوصیده سعی و حرکت قیلمه‌سینی سوره‌دی.
جناب نبیل نینگ ایتیشیچه، دنیا جماعه‌چیلیگی ساخته‌کارلیک‌که مشروعیت بیرگن صورتده، افغانستان یشاوچیلری نینگ حقی گه جفا قیله‌دی.
رحمت‌الله نبیل نینگ ایتیشیچه، دولت قورووچی سیلاو تیمی، خوفسیزلیک کوچلریدن سیلاو تیم‌لریگه قرشی فایده‌لنیش اوچون سعی و حرکت قیله‌دی.
بو توغریده دولت قورووچی سیلاو تیمی نینگ فکرینی اورگه‌نیش اوچون علاقه قوردیک، بیراق کیین مه کیین قونغیراقلر نتیجه‌سیده مؤفق بولمه‌دیک.
جمهورلیک ریاست سیلاوی نینگ دستلبکی نتیجه‌سی 27- میزان ده و سونگی نتیجه‌سی 6- عقرب ده اعلان ایتیلیشی خصوصیده قرار قیلینگن ایدی، بیراق سیلاو ایرکین کمیسیونی ایریم تخنیکی قیین‌چیلیک‌لر باعث، اعلان ایتیلیش زمانی نی آرتده قالدیردی.
سیلاو کمیسیونی نینگ ینگی تقویمی اساسیده، جمهورلیک ریاست سیلاوی نینگ دستلبکی نتیجه‌سی 23- عقرب ده و سونگی نتیجه‌سی 15- قوس ده اعلان ایتیلیشی خصوصیده، قرار قیلینگن.
جمهورلیک ریاست سیلاوی نینگ دستلبکی نتیجه‌سی 27- میزان ده و سونگی نتیجه‌سی 6- عقرب ده اعلان ایتیلیشی خصوصیده قرار قیلینگن ایدی، بیراق سیلاو ایرکین کمیسیونی ایریم تخنیکی قیین‌چیلیک‌لر باعث، اعلان ایتیلیش زمانی نی آرتده قالدیردی.
سیلاو کمیسیونی نینگ ینگی تقویمی اساسیده، جمهورلیک ریاست سیلاوی نینگ دستلبکی نتیجه‌سی 23- عقرب ده و سونگی نتیجه‌سی 15- قوس ده اعلان ایتیلیشی خصوصیده، قرار قیلینگن.
شو توغریده…
سیلاو کمیسیونی نینگ سیلاو توغریسیده بولگن طرزالعملی نقض ایتیلگن
