.jpg)
افغانستان ملی امنیت مصلحتچیسی محمدحنیف اتمر، حکومت داعش گروهینی ایلدیزدن یوق قیلیش اوچون لایحه نظرده توتگن دیگن. او، بو لایحه تطبیق بولیشی بیلن مملکت‌ده داعش‌نینگ یاشیرون مرکزلری نابود ایتیله‌دی.
بوگون (یکشنبه) مشرقی ولایت‌لر کینگشی‌نینگ ییغینده سوزله‌گن جناب‌اتمر، امنتی کوچلرنینگ اوتگن کیچه ننگرهارنینگ کوت تومنی‌ده یولگه قویلگن حربی عملیات‌لری نتیجه‌سیده بو تومن داعش گروهی‌دن تازه‌لنگن دیگن. او، هلی تازه‌لش عملیات اچین تومنی‌ده دوامی بار دیگن.
ملی امنیت مصلحتچیسی، داعش گروهینی ایلدیزدن یوق قیلیش‌نینگ بیرینچی یولی اهالی‌نینگ ملی کوچلرگه یاردم کورستیگه باغلیق دیگن. خلق نی بیرلیککه تاکید قیلگن جناب اتمر، داعش اهالی اورته‌سیده کوپراق فتنه توغردیریش‌گه سعی وحرکت قیله‌دی دیدی.
مشرقی ولایت‌لر کینگشی‌نینگ باشلیغی عبدالخالق حسینی پشه‌یی‌نینگ ییغینده سوزلب ایتیشیچه، شرقی ولایت‌لرده امنیت تامین ایتیلیشی اوچون حکومت دییرلی اعتبار قره‌تمه‌گن دیگن. شونینگ‌دیک او، شرقی ولایت‌لرده اوروش میدانلریده جان بیره‌دیگن‌لرنینگ 36% یاش لیک ایکن لیگی‌نی تیلگه آلگن.
.jpg)
بوندن بیر هفته آلدین افغانستان جمهور رییسی مملکت امنیتی کوچلریگه داعش‌نی نابود قیلیش اوچون بار امکانیت‌دن فایده له‌نیشلری اوچون بویروغ بیرگن ایدی.
داعش حرکتی میلادی 2006- ییلده افراطیت عقیده‌سی بیلن عراق‌ده شکل آلدی و 2013- ییل آخریده بو مملکت‌ده بعضی بیر هجوملرنی صادر قیلیش بیلن دنیا اعتبارینی اوزیگه جلب قیلیدی. شونینگ‌دیک داعش حرکتی میلادی 2014- ییلده عراق نینگ موصل شهرینی اوز تصروفی‌گه آلیب دنیا خبرلری‌نینگ سیره‌سیدن اورین آلدی.
بو گروه اخیرگی بیر ییل ایچیده افغانستانده کوزگه کورینرلی درجه‌ده رواجلندی؛ اما، مملکت‌نینگ بعضی بلند مرتبه‌لی رسمیلری، داعش‌نینگ اصلی بولیمی افغانستانده ایلدیز آلمه‌گن دیگن‌لر.
