د اتصالاتو مخابراتي کمپنۍ یو ځل بیا دافغانستان کرکټ سره یوځای شوه خو دا ځل به د کرکټ ملي لوبډلې سره نه د ۲ مخکښه افغان کرکټرانو سره ملګرې وي.
یاد مخابراتي شرکت تیره ورځ په کابل کې د مخکښه تیزبالرحميد حسن او پخواني کپتان تکړه ال راونډر محمد نبي عیسی خیل سره یو تړون لاسلیک کړ.
په افغانستان کې د اتصالاتو مخابراتي شرکت د چارواکو لخوا خپره شوې خبرپاڼه کې ویل شوي چې دواړه کرکېټ لوبغاړي به د دې شرکت په اعلاناتو او ټولنیزو کمپاینونو کې راښکاره کیږي او دغه راز به ددې شرکت د سوداګریزو او ټولنیزو برخو د سفیرانو په توګه کار کوي.
په خپله د افغانستان کرکټ بورډ تراوسه دکرکټ بورډ او ملي لوبډلې د پخواني مالي ملاتړ(اتصالات) مخابراتي شرکت سره د حمید حسن او محمد نبي عیسی خیل د تړون په اړه څه نه دي ویلي.
د کرکټ ملي لوبډلې پخواني کپتان او مشهور لوبغاړي محمد نبي عیسې خیل په خپله ټویټر پاڼه کې له اتصالاتو مخابراتي شرکت څخه مننه کړې ده.
د نوموړي په وینا چې له یاد شرکت څخه منندوی دی، چې له حمید حسن سره یې په ګډه د خپلو توکو او ټولنیزو پروګرامونو د سفیر په توګه وګماره.
د ښاغلي عیسی خیل په وینا، کوښښ به وکړي چې د یاد شرکت د پروګرامونو له مخې به هڅه وکړي چې د کرکټ په اړه عامه پوهاوی لاپسې زیات کړي.
د یادونې وړ ده چې تیزبالرحمید حسن د څوو کلونو راپه دېخوا د اتصالاتو مخابراتي شرکت سره په تړون کې وو او ددې شرکت د توکو په اعلانونو کې ښکارېده خو دا به لومړی ځل وي چې نبي عیسی خیل په ورته پروګرام کې راښکاره کیږي.
