ننگرهار ولایتی‌نینگ محلی بلند مرتبه‌لی رسمیلری، ولایت‌نینگ حصارک تومنیده افغان ملی کوچلری بیلن جنگری طالبلر اورته‌سیده یوز بیرگن آتیشمه‌ده41 عصیانچی اولدیریلگن دیگنلر.
شونینگ‌دیک اونلب جنگری ایسه یره‌دار بولگن. اوتگن کون (جمعه) باشلنگن اوروش هنوز هم دوامی بارلیگی تاکیدلنه‌دی.
اما، دولت قوراللی مخالف‌لری تامانیدن اخبارات واسطه‌لریگه یوباریلگن اعلامیه‌ده، حصارک تومنی‌نی اشغال قیلگن‌لیک‌لری ادعا ایتگنلر. اعلامیه‌ده، طالبلر ملی کوچلرگه کته تلفات بیرگنی بیلدیریلگن.
ننگرهار ولایت والیسی‌نینگ سوزلاوچیسی عطاالله خوگیانی طالبلر ادعاسینی انکار ایتیب، جنگریلر فقط اوچ پوسته‌نی تصروف ایتگنلر دیگن. سوزلاوچی مذکور پوسته‌لر تازه‌له‌نیشی اوچون حربی عملیات باشلنگن لیگینی بیلدیرگن.
خوگیانی‌نینگ سلام‌وطندارگه ایتیشیچه، حصارک تومنیده جنگریلرنینگ مرکزی هوادن هجوم آستیگه آلینگن. اوروش‌ده چیت ایل‌لیک جنگریلرگه هم تلفات ییتکزیلگن دیدی ولایت والیسی نینگ سوزلاوچیسی.
خوگیانی، توقنشو آقیمده افغان ملی کوچلریدن فقط 2 عسکر قربان بولیب 3 حربی تن جراحتی آلگن لیگینی انکار ایتمه‌گن.
