افغانستان بوییچه قاغدی و الکترونیکی کیم‌لیک ترقه‌تیش اداره نینگ اعتراضچی ایشلاوچیلریدن بیرقطاری نینگ سلام‌وطندارگه ایتیشیچه، جمعیت نی رویخط‌گه آلیش اداره‌سی کونده قاغذی کیم‌لیک ترقه‌تیش دن ایکی یوزمینگ افغانی قولگه کیریته‌دی و بو مبلغ مذکور اداره نینگ باشلیغی، مدیرلری و اورین باسرلری نینگ چونته‌گی گه کیره‌دی
مذکور اعتراضچی ایشلاوچیلرگه کوره، فسادنی کوپینچه‌سی قاغذی کیم‌لیک ترقه‌تیش بولیمی ده بوله‌دی.
اوشبو ایشلاوچیلری آت‌لری فاش ایتیلیشی‌نی ایستمه‌ی ایتیشیچه، فساد و رشوه آلیش جمعیت نی رویخط‌گه آلیش اداره‌سی نینگ دروازه سیدن تشقری باشلنه‌دی و یوقاری لوازم گه قدر دوام ایته‌دی. تشقریده کمیشن‌کارلر یشاوچیلردن کاپی و کیم‌لیک تصدیقلش بهانه‌سی بیلن پول آلیشه‌دی و شونینگدیک، پولیس و اداره قوریقچی‌لری تورلی بهانه‌لر بیلن فسادگه قول اوریشه‌دی.
اعتراضچی ایشلاوچیلرگه کوره، کیم‌لیک تصدیقلنیشی اوچون 200 افغانی دن باشلب 200 دالرگچه مراجعتچی‌لردن پول آلینه‌دی.
ایشلاوچیلرنینگ ایتیشیچه، قاغذی کیم‌لیک‌لر سیلاو مدیریت قیلینیشی اوچون ترقه‌تیله‌دی و جمهورلیک ریاستی، جمهورلیک ریاست سیلاوینی مدیریت قیلیش اوچون سعی و حرکت قیله‌دی و قاغذی کیم‌لیک‌لردن کوپینچه‌سی قانونی باسقیچی اوتکزیلمس‌دن ترقه‌تیله‌دی.
اولرنینگ ایتیشیچه، قاغذی کیم‌لیک اوچون پول بدلی ده مملکت نینگ بیرقطار منطقه‌لریده کیم‌لیک ترقه‌تیش مرکزلر ایجاد ایتیلگن و قاغذی کیم‌لیک ترقه‌تیلیشی بولیمی 6 میلیون دالر صرفلنگن.
حسابات و معلومات ملی اداره‌سیده جمعیت نی رویخط‌گه آلیش اداره‌سینی مدغم قیلیش
حسابات و معلومات ملی اداره سی نینگ سابق ایشلاوچیلری خبری بیر ییغین اوتکزیب ایتیشیچه، مذکور اداره نینگ ریاستی، ایلگریدن خبر بیرمه ی و بودجه یوقلیگی نی دلیل کورسه تیب، حسابات و معلومات ملی اداره سی نینگ کمیده یوز ایشلاوچیسی نینگ ایشدن آلگن.
اولرگه کوره، حسابات و معلومات ملی اداره سی سابق ایشلاوچیلری نینگ ایتیشیچه، نه فقط ایش قانونی اساسیده، ایلگریدن خبر بیرمه ی ایشلاوچیلرنینگ ایش دن آلیش جایز ایمس، بلکیم بو اداره ده بودجه قیینچیلیگی هم یوق دیر؛ چونکه سابق ایشلاوچیلر ایش دن آلینگنیدن سونگ، حسابات ملی اداره سی ینگی ایشلاوچیلرنی ایش گه آلگن.
اوشبو اعتراضچی ایشلاوچیلر بیر شرطنامه صادر قیلیب، حسابات و معلومات ملی اداره سی نینگ عمومی ریاستی و ملی بیرلیک حکومتی دن کیله جک نیچه کونده شرطنامه لری قیته تیکله نیب و تیارلنیشی نی سوره گن.
اولرنینگ آگاه لنتیریشیچه، ایستک لریگه دقت قیلینمه گن صورتده، اعتراضلریگه دوام بیره دیلر.
اوشبو موضوع توغریسیده، حسابات و معلومات ملی اداره سی نینگ فکرینی اورگه نیش اوچون علاقه قوردیک، بیراق مذکور اداره بو توغریده جواب بیریش گه حاضر بولمه دی.
شونده‌ی بیرحالده، سونگی کونلر حکومت تامانیدن دولتی اداره لرده کیشی لر جایلشتیریلیشی مملکت اهالیسی و سیاستچیلری نینگ تنقیدلریگه روپه ره بولگن.
تنقیدچیلرنینگ ایتیشیچه، حکومت شخصی مقصدلری و سیلاو کمپاینی اوچون نظرگه آلگن کیشی لرنی دولتی اداره لرده جایلشتیره دی.
