سلام‌وطندارگه صحبت بیرگن ملی مدافعه وزیرلیگی‌نی مطبوعات ریاستی باشلیغی و سوزلاوچیسی جاوید غفورنینگ ایتیشیچه، حربی کوچلر تشکیلاتی‌ده «اپس» سیستمه‌سی 91% و بایومتریک سیستمه‌سی 98% تطبیق ایتیلگن و بو سیستمه‌لر اساسیده، حربی کوچلر تشکیلاتی‌ده هیچ بیر خیالی عسکر یوق دیر.
ایچکی ایشلر وزیرلیگی سوزلاوچیسی نجیب دانش‌نینگ ایتیشیچه، پولیس عسکرلریدن 97% بایومتریک سیستمه‌سی آرقه‌لی رویخط‌گه آلینگن و تیزلیک‌که بو لایحه یکونلنه‌دی.
جناب دانش گه کوره، برچه پولیس عسکرلر بایومتریک سیستمه‌سی آرقه‌لی رویخط‌گه آلینگنیدن سونگ، خیالی پولیس عسکرلرنینگ رقمی بیللی بوله‌دی.
بوندن آلدین، حربی و پولیس کوچلری‌نینگ تشکیلاتی‌ده خیالی عسکرلر موجودلیگی توغریسیده نیچه مرته گزارش ترقه‌تیلگن ایدی و بو موضوع جدی خواطرلرگه سبب بولدی.
