حج و اوقاف وزیرلیگی‌نینگ معلوم قیلیشیچه، مسجدلر امام‌لری تامانیدن بنگی‌وارماده‌گه قرشی کوره‌شه‌دی.
حج و اوقاف وزیری فیض محمد عثمانی‌نینگ، یکشنبه کون بیر ییغینده ایتیشیچه، مملکت‌ده 150 مینگ‌دن آشه مسجد موجود و خلق قولی صورتده مسجدگه کیلیش‌لری‌گه دقت قیلیب، حج و اوقاف وزیرلیگی خلق‌نی بنگی‌وارماده زیانی‌دن آگاه‌لنتیریش‌نی مسجدلر منبرلریدن باشله‌یدی.
یکشنبه کونگی اولتیریش بنگی وارماده‌گه قرشی کوره‌شیش وزیرلیگی تامانیدن «بنگی‌وارماده خصوصیده میدیالر ارا اویغورلیک ایجاد ایتیش» نامی بیلن یولگه قوییلیب و اونگه بنگی‌وارماده زیانی توغری‌سیده خلق‌نینگ آگاه‌لنتیریش، مسجدلر و میدیالر نقشی اوستیگه بحث بولدی.
حج و اوقاف وزیری‌نینگ ایتیشیچه، میدیالر بنگی‌وارماده زیانی توغری‌سیده خلق‌نینگ آگاه‌لنتیریش اوچون یخشی رول اوینه‌یدی.
شونینگ‌دیک بنگی‌وارماده‌گه قرشی کوره‌شیش وزیری سلامت عظیمی، اوشبو اولتیریش‌ده خلق‌نی آگاه‌لنتیریش توغری‌سیده، میدیالر نقشی اوستیگه تأکیدلب ایتیشیچه، میدیا بولمه‌گن صورتده، خلق‌نی آگاه‌لنتیریش قیین دیر.
خانم عظیمی، برچه میدیادن بنگی‌وارماده زیانی توغری‌سیده خلق‌نینگ آگاه‌لنتیریش اوچون بو وزیرلیک‌که یاردم بیریشی‌نی سوره‌دی.
عین حالده، مملکت بیرینچی خانمی رولا غنی، افغانستان‌ده بنگی‌وارماده کوپه‌ییشی‌نی خواطرلی بیلیب ایتیشیچه، افغانستان‌ده بنگی‌وارماده کته مصیبت‌گه اوزگریشی ممکن.
خانم غنی، بنگی‌وارماده زیانی توغری‌سیده خلق‌نینگ آگاه‌لنتیریش میدیا وظیفه‌سی دیدی.
اونینگ ایتیشیچه، مدنیت‌چیلر، صنعت‌چیلر و شاعرلر شامل برچه خلق بنگی‌وارماده زیانی توغری‌سیده خلق‌نینگ آگاه‌لنتیریش اوچون سهم آلیش‌لری لازم.
عین حالده، افغانستان ایرکین میدیالریدن حمایت ایتووچی تشکیلات (نی) باشلیغی عبدالمجیب خلوتگرنینگ ایتیشیچه، میدیالر هردایم خلق‌نی آگاه‌لنتیریب کیلگن.
جناب خلوتگرنینگ ایتیشیچه، بنگی‌وارماده‌گه قرشی کوره‌شیش توغری‌سیده ایشله‌یدیگن خبرچی‌لر، خطرگه دوچ کیله‌دی.
ساغلیک و بنگی وارماده وزیرلیک‌لری‌نینگ سونگی رقمی‌گه کوره، افغانستان‌ده 3 میلیون بنگی موجود و افغانستان نفوسی‌دن 11 فایزنی تشکیل بیره‌دی، بولردن 7 فایزی ایرکک، 3 فایزی عیال و بیر فایزی باله‌لر دیر.
